MAZMUR 91:3 - Tanou Moonsoi Timugon

³ Mangampin Io rirun intor ra ngaangai' makalalaa' ondo' nakasibuni, am intor ra ngaangai' salinut ru maruol ra makapatoi.

MAZMUR 91:3 ပူးပေါင်းရင်းမြစ်များ

2 SAMUIL 24:15

Ginio ra pinaratong ru Tuhan maruol tumapik ra ulun ru Israil timinalimpuun ra tampilon susuab ra orou raginio saboi ra paat ondo' inaru' Nano. Suang 70,000 ngaulun minatoi giu' ra titikop ru Israil.

1 RAJA'-RAJA' 8:37

“Paat ra bitilan kapoam maruol tumapik masauk ra pagun ti, kapoam tatanom mapuso sabap ra angin malasu', maruol ru tutuu', kapoam inakan ru gapu'; kapoam paat ra ulun Muno bulunsaron ru pantula', kapoam matiu' ra maruol,

MAZMUR 124:7

Itakau koson ayuk ra susuit nalabus ra landak ru sangulun manginginsusuit; landak no linunsai am itakau pana nakalabus!

MAZMUR 141:9

Ampini' aku maa' raginio kalo makasulung aku ra jajaling ondo' pinataan nilo koson raki', pinataan ru ulun malaat.

MAZMUR 68:21

I Aki Kapuuno' takano Tuhan ondo' mamayag; Io noyo mapalabus ritakau intor ra kapatayan.

MAZMUR 91:6

kapoam maruol malaat tumapik bulintok ra molondom, kapoam sauk mampaluus bulintok ra tanga' ru orou.

AMSAL 6:5

Labus no intor ra jajaling no koson ra susuit kapoam paus nakalabus intor ra ulun magagasu.

AMSAL 7:23

sangkinolor poyo anak ru panah mansabut ra pusu' nano. Buayoi no koson ra susuit mansiab jumuung ra landak. Kalo natutunan no ra painawo nano ralalom kapaganan.

MAMPATANOU 9:12

Ulun kalo makapandai ra bulintok ratangan ru karaat. Koson ra susuit ondo' nakasulung ra landak, am papait ondo' nakasulung ra ralo, nogondo' ayuk ra ulun ondo' linumpa' ru karaat ondo' kalo napandayan.

GOSIA 9:8

Nanusub i Aki Kapuuno' raki' koson ra nabi koson mampakara' ra ulun ru Israil, kaa' ati ayuk angayan kuno, mirot kau koson mampalandak raki' koson ra mampalandak ra susuit. Giu' ra pagun longgom ri Aki Kapuuno' galama', nabi-nabi Nano tinula' ru mamagun.

AMOS 3:5

Makasulung kia susuit ralalom ru landak, amon ru kolondo' upan ru landak? Kumukum kia galama' landak amon kolondo' nakasulung?

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

2 TIMOTIUS 2:26

Koson raginio boo makatutun am makalabus ilo intor ra kuasa' ru tingganai ru riwato no, ondo' namparakop am nampajajal risilo mambaal ra kasagaan nano.