MAZMUR 91:15 - Tanou Moonsoi Timugon

¹⁵ Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

MAZMUR 91:15 ပူးပေါင်းရင်းမြစ်များ

AYUP 12:4

Rangan-rangan kuno piboo makakurit raki', makakurit ilo, kabalu' pana aku motopot am kolondo' sala; kaa' paat ragili igondo' i Aki Kapuuno' nangiou ra pakiasian kuno.

AYUP 5:19

Amon karaat makapatoi rirun, masalok Io mamayag rirun.

MAZMUR 10:17

Tuhan, iowo' noyo pakiasian ru ulun kolondo' onong; am paikango' noyo guang nilono.

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

MAZMUR 18:15

Pabakison No panah Nano am kuliagayon No pantula' Nano; pasasakon No ganit no saboi ilo magiru'.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 37:40

Mangindangan am mamayag Io risilo; am niayuk mapalabus risilo intor ra ulun malaat, sabap ra makisindung ilo Riso.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 58:9

Bulintok ra akau makiasi', iowon Ku. Bulintok ra akau mampiau, tumaam Aku. Pai' boo pangimpai ra akau ngai', langgai' noyo pantutulaan am manimbaal ra ragu.

JISAYA 65:24

Ra kalo poyo mopongo ilo makiasi', iniou Ku noyo pakiasian nilono.

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 12:43

Sabap ra maansayan ilo poyo makiurumat ra ulun kaa' makiurumat ri Aki Kapuuno'.

JUANIS 16:32

Paat no masuku', am sotopot no nasuku' noyo, ra akau pantutuliaron am muli' ra intok min sigagama'. Tatangon min Aku misasangulun. Kabalu' pana koson raginio, kalo misasangulun Aku sabap ra i Ama' mabaya' Raki'.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

IBRANI 5:7

Paat ri Jisus soroi ra tana' ti, nakiasi' Io toojo ri Aki Kapuuno' nabaya' ra bolos mapuor liliwa' nantangi'. Nakiasi' Io ri Aki Kapuuno' ondo' makapamayag Riso intor ra kapatayan, am rinongog Io ri Aki Kapuuno' sabap ra pinainggana' No guang Nano Riso.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 PITRUS 3:22

am kinayang mongoi ra suruga'. Raino soroi Io ra tampilon pamiris ri Aki Kapuuno' am mamarinta Io ra ngaangai' malaikat, mangunguasa' am ikang ra limbowon.

1 PITRUS 5:4

Paat ra ratangan ru Tingganai Magagalung, makapangapu kau ra karaun matulai ondo' manguliat ra mantilayun.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.

1 SAMUIL 2:30

Aku Tuhan, i Aki Kapuuno' ru Israil, ragili nambantu' ra sasambaloi am bansa' muno mangandoi Raki' koson ra imam ra mantilayun. Kaa' raino kalo boo masaga' Aku raginio! Ilo ondo' mangurumat Raki' no urumaton Ku, am ilo ondo' magasab Raki' no asabin.