MAZMUR 91:14 - Tanou Moonsoi Timugon

¹⁴ Ragu ri Aki Kapuuno', “Bayagon Ku ulun ra monogom Raki' no, alungin Ku ulun ra mangiou Raki' no koson ra Tuhan.

MAZMUR 91:14 ပူးပေါင်းရင်းမြစ်များ

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

IJRA 8:31

Nangiruan akai ra Sungoi Agawa paat ra orou koopor am ruo ra sila' kasaa' am minongoi ra Jirusalim. Ralalom pangkiralanan, i Aki Kapuuno' mai nabaya' am nanindung ramon intor ra awangin am bulunsaron ru pantula'.

MAZMUR 59:1

Ra tingganai ru santimungan maririmbai. Sumugut ra rimbai: Pai' pusoo'. Mazmur ri Daut, paat ra Raja' Saul nanusub ra ulun koson magilong ra baloi ri Daut koson mamatoi riso.

MAZMUR 9:10

Tuhan noyo sindungan ru ulun ondo' inimbolo', intok sindungan paat ra makakapaganan.

MAZMUR 9:11

Ilo ondo' makaulig Rirun malansan Rirun, iou Tuhan; osoi-osoi ayuk pana matong Rirun no kalo iruanin Mu ilo.

MAZMUR 91:9

Saukon mu Tuhan ra manunungka' rirun, Ondo' Masawat Kaga' no manindung rirun,

JISAYA 33:16

Koson raginio boo maalap kau kabayag, masindungan kau koson giu' kau ra kubu ondo' mapiot. Makaalap kau ra akanon am inumon.

JIRIMIA 39:17

Kaa' Aku, Tuhan manindung rirun, am kalo pataakon kou ra ulun ondo' kalaanin muno.

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 16:27

sabap ri Ama' galama' motogom ramuyun. Motogom Io ramuyun sabap ra motogom kau Raki' am mangintopot kau ra minatong Aku intor Riso.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

GALATIA 4:9

Kaa' raino nakaulig kano ri Aki Kapuuno', kapoam matanda' poyo raguon ra i Aki Kapuuno' nakaulig ramuyun. Kua saguli' kau poyo ra tuhan-tuhan ondo' kalo maikang am niayuk kolondo' onong? Kua guat kasaga' kau makiulipon poyo risilo?

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.