MAZMUR 9:17 - Tanou Moonsoi Timugon

¹⁷ Tuhan galama' napabala' ra Io no matimpok toojo; ulun malaat nakasulung sabap ra atan ondo' binaal nilo galama'.

MAZMUR 9:17 ပူးပေါင်းရင်းမြစ်များ

AYUP 8:13

Koson niayuk ra ulun ondo' kalo makaulig ri Aki Kapuuno'; kalansanan nilo matatak paat ilo makalilian ri Aki Kapuuno'.

MAZMUR 106:13

Kaa' mataki' ilo makalilian ra binaal ru Tuhan, atan ayuk baalon nilo kolondo' pinson intor Riso.

MAZMUR 44:17

sabap ra mangining ra pangiisan am pagasaban ondo' paingkualon ru pantula' am ilo ondo' masisang.

MAZMUR 44:20

Kaa' nanatang Kou ramon ondo' kolondo' lulu' ra bibiag masigo; nanatang Kou ramon ralalom molondom mapiot.

MAZMUR 49:14

Ginio noyo nasip ru ulun ondo' mangintopot ra inan nilo galama', am nasip ru ulun ondo' maringkuanang ra linangkayaan nilo.

MAZMUR 50:22

Rongogo' min, akau ondo' mampalilian Raki', amon ru kalo, pusoon Takamin; am kolondo' sangulun pana makapamayag ramuyun no.

AMSAL 14:32

Ulun malaat matoi sabap ra kalaatan nilo galama'; ulun moonsoi masindungan sabap ra kabanisan ru guang nilo.

AMSAL 5:22

Tula ru ulun malaat koson ayuk ra landak ondo' mampajaling riso galama'.

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

JISAYA 5:14

Kabang ru intok kapatayan gumaal toojo koson monolon ra ulun paawang giu' ra Jirusalim mababaya' ra nasuangan ulun ondo' mangiantak.

JIRIMIA 13:25

Nakaindagu Io noyo ra ginio noyo pupus min. Ginio noyo ondo' inaru' Nano koson baalon ramuyun sabap ra nakalilian kau noyo Riso am mangintopot ra tuhan-tuhan ondo' kalo motopot.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

YEHEZKIEL 22:16

Bansa'-bansa' ra bokon magasab ramuyun, kaa' makapandai kau ra Aku noyo Tuhan.”

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.

PINAINTALANG 21:8

Kaa' ulun matalou, ulun kalo boo mangintopot, ulun homoseks am lesbian ra makauyuyu' am majamol, mamamatoi, mansasawa', ulun makakapandayan malaat, sumamba ra sinungkalalaing am ngaangai' magagabau – ampos nilono giu' ra tasik ru apui ondo' naratok ra balirang mapaang, ioginio kapatayan ra kainduo.”