MAZMUR 9:13 - Tanou Moonsoi Timugon

¹³ Mangkara' i Aki Kapuuno' risilo ondo' naimbolo'; kalo malilianan No tangi' nilono, ukumin No ulun ondo' mangimbolo' risilo no.

MAZMUR 9:13 ပူးပေါင်းရင်းမြစ်များ

KASAUKAN 4:10

Indagu boo Tuhan, “Kua kia baalo' mu baal makalalaa' ti? Raraa' ru boborok muno nampalaa Raki' intor ra tana', koson ra bolos ondo' mampalaa makitaak ra pakimasian.

KASAUKAN 4:9

Pangkuot Tuhan ri Kain, kon Nano, “Ati i Abil, boborok muli?” Taam i Kain, “Kalo nakapandai aku. Atan, alungin ku ayuk kia boborok kuno?”

1 RAJA'-RAJA' 21:19

Ragui' io ra Aku, Tuhan mindagu riso, ‘Kopongo ra okou namatoi ra ampu' no, sumuali kou poyo kia ra rapu' nano poyo?’ Pambala' riso ra koon raginio ragu Kuno, ‘Giu' ra intok ru uku'-uku' nantila' ra raraa' ri Nabot, ra giu' no niayuk raraa' muno tilain ru uku'!’ ”

2 RAJA'-RAJA' 9:26

‘Rondom i nakakito Aku ra namatayan ri Nabot am anak-anak nano. Raino bantuon Ku ra mangukum Aku rirun ragiti, ra tana' ragitio niayuk.’ Ginio ra alapo' baangkai ru Raja' Joram, am patiri' ra tana' ondo' ragili longgom ri Nabot, maa' raginio masugut ukuman ri Aki Kapuuno' no riso.”

2 TUNUNG RU BANSA' ISRAIL 24:22

Nalilianan ru Raja' Joas binaal moonsoi am gagaya' ri Joyada, ama' ri Jakaria riso. Kopongo raginio nanusub io maa' raginio potoyon i Jakaria. Paat ra patayan nano, golok i Jakaria, “Gama' ru makakito Tuhan ra binaal min ti am mangukum ramuyun!”

NIGIMIA 9:32

“Iou i Aki Kapuuno', i Aki Kapuuno' mai ondo' maayo! I Aki Kapuuno' ondo' makakuasa' am matulai! Nabaya' ra gagaya' sinugut Mu ngaangai' nabantuan. Intor ra raja'-raja' ru Asyur nangimbolo' ramon, saboi raino kaimbalaan ondo' mailian mai maagat kaga'. Raja'-raja', tingganai-tingganai, imam-imam am nabi-nabi mai, kinamatuaan am ngaangai' ulun naimbolo' noyo. Karaa' noyo, iou Aki Kapuuno', mapara' poros ru kaimbalaan mai.

MAZMUR 10:12

Iou Tuhan, ukumi' noyo ulun mangalaat! Pai' liliani' ulun ra naimbolo'!

MAZMUR 107:18

kolondo' patiakan nilo ra akanon, am mamaar noyo ra kulobon ru kapatayan.

MAZMUR 119:132

Tingkuang No raki' am pakaasi' no raki' koson niayuk ra Okou makaasi' ra ulun motogom Rirun.

MAZMUR 119:153

Ilai' ga pagon kuno naimbolo' am bayago' aku no, sabap ra kalo lilianin ku Ukum Muno.

MAZMUR 12:6

Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

MAZMUR 13:3

Kula' buoi ra aku musiti' mansaan ra kapaganan am mangiluk guang ra orou rondom? Kula' buoi ru pantula' kuno manguasa' raki'?

MAZMUR 142:6

Iou Tuhan, mampiau aku ra makiindangan Rirun, Okou noyo manindung raki', Okou ayuk gogoton kuno ralalom ru kaayagan ti.

MAZMUR 25:19

Ilai' noyo kinasusuang ru pantula' kuno; masisang ilo kaga' raki'.

MAZMUR 30:3

Mampiau aku Rirun ra makiindangan, iou Tuhan, i Aki Kapuuno' kuno, am Okou namabas raki'.

MAZMUR 38:19

Iowon ku tula kuno; magalabo guang kuno ra nasalaan kuno.

MAZMUR 51:1

Ra tingganai ru santimungan maririmbai. Mazmur ri Daut

MAZMUR 56:13

Iou Aki Kapuuno', suguton ku bantu' kuli Rirun, mapataak aku taak simbalui paringkuanangan Rirun.

MAZMUR 86:13

Mapara' gayo ru togom Muno raki'; pinalabus Mu aku intor ra luang ru lobong.

JISAYA 38:10

Mangkara' aku, paat pompor ru painawo kuno, mongoi aku ra pagun ru ulun minatoi, am orou ra matutuo kalo makaliman aku.

SULABOI 1:11

Mamagun ru bandar no mampalaa liliwa' ilo maguyum ra akanon, rapu' inaligan nilo ra akanon, maa' raginio marayus ilo maayag am kalo matoi. Golok bandar ru Jirusalim, “Ilai' aku no, iou Tuhan, am ilai' kaimbalaan kutu.”

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

JUANIS 2:6

Mokoondo' ra giu' i onom ngampuun sampa' pambulian ra timug pambaguan sumugut ra kaulayan ru ugama Jaudi. Moonong sampuun masuangan balu' ngoopor kapoam maatus ruo ngoopor ngalito.