MAZMUR 89:8 - Tanou Moonsoi Timugon

⁸ Urumaton Kou bulintok ra ulun-ulun matulai mantitimung, am kalaanin toojo ru ngaangai' ondo' nakalibung Rirun.

MAZMUR 89:8 ပူးပေါင်းရင်းမြစ်များ

MAZMUR 71:19

Kinoonsoi Muno, iou Aki Kapuuno' minujak saboi ra limbowon. Mangaayo binaal Muno; kolondo' mokogondo' Rirun!

JIRIMIA 32:17

“Iou Tuhan Raja', Okou no ondo' nambaal ra limbowon am tana' ti ra kuasa' am kaikangan Muno ondo' maayo. Kolondo' ondo' mapagon kaga' Rirun.

1 SAMUIL 2:2

“Kolondo' sangulun pana matulai koson ra Tuhan; kolondo' mokogondo' Riso; i Aki Kapuuno' takano ayuk makapanaak ra panindungan.

MAZMUR 147:5

Mapara' piboo kinatulai am kinaikang ru Tuhan takau, kinapintar Nano kolondo' polos.

MAZMUR 89:6

Ngaangai' suang ru suruga' mongompor ra kaimuagan ondo' binaal muno, am marimbai ra gagaya' Muno, iou Tuhan.

MAZMUR 84:12

Tuhan noyo manindung am raja' takau ra matulai, barakaton No itakau ra kaansayan am katulayan. Kalo ingain No atan-atan ondo' moonsoi intor ra ulun ondo' bayag nano kolondo' ruruko.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 24:8

Osoi kia Raja' ra matulai no? Io noyo Tuhan ondo' mapanggol kaga', Tuhan ondo' natikop ra kuasa', ondo' namanang ra pangayawan.

JISAYA 28:22

Guango' min pansawayan Kutu! Amon kalo guangon min, mapagon poyo akau lumabus. Norongog ku noyo namatasan ru Tuhan Raja' Ondo' Maayo Kaga' Kuasa' koson mamuso ra titikop pagun.

MAZMUR 89:13

ralayo am rabugus inangun Mu; Gunung Tabor am Gunung Girmon magigindii mongompor Rirun.

AYUP 9:19

Musiti' aku kia makimagabu' Riso? Ilai' noyo, mapara' piboo gayo ru ikang Nano. Maibit ku kia Io mongoi ra makama? Osoi kia baani mampiau Riso mongoi?

JOSUA 22:22

“Ondo' Maayo Kaga' Kuasa' iono i Aki Kapuuno'! Io noyo Tuhan! Ondo' Maayo Kaga' Kuasa' iono i Aki Kapuuno'! Io noyo Tuhan! Nakapandai Io kua pambaal akai koson raginio am masaga' akai ra akau makapandai niayuk! Amon ru gumuor akai ra Tuhan am kalo mangintopot Riso, potoyo' akai raino niayuk!

SAGULION 32:31

Nakapandai pantula' ru Israil ra mangampin risilo malawo, kalo mapanggol koson ri Aki Kapuuno', Manindung ru Israil.

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

1 SAMUIL 15:19

Kua kia boo rirun ti kalo giminagaya' Riso? Kua kia agou-agou kou nanalingaau ra rapu' nilono am nambaal ra ondo' kalo kasagain ru Tuhan?”

SAGULION 7:21

Ginio ra pai' kalaa' ra bansa'-bansa' raginio. Tuhan i Aki Kapuuno' min mabaya' ramuyun; Io i Aki Kapuuno' ondo' matulai, am ondo' musiti' kalaanin.

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

AYUP 37:22

Sinda kinasilou ru mas makito intor ra ralayo, am katulayan ri Aki Kapuuno' makaansuk ra guang takau.