MAZMUR 89:27 - Tanou Moonsoi Timugon

²⁷ Mindagu io Raki', ‘Okou noyo Ama' kuno am i Aki Kapuuno' kuno; Okou noyo manindung am mamamayag raki'.’

MAZMUR 89:27 ပူးပေါင်းရင်းမြစ်များ

2 SAMUIL 22:47

Naayag Tuhan! Omporo' noyo manaung kuno! Potonowo' noyo katulayan ri Aki Kapuuno' Mamamayag kuno!

2 SAMUIL 7:14

Masauk Aku ra ama' nano am masauk io ra anak Kuno. Paat ra io mambaal ra sala, mangukum Aku riso koson ra sangulun ama' mangukum ra anak nano.

2 TUNUNG RU BANSA' ISRAIL 1:12

Mangani' Aku rirun ra kapintaran am kapandayan. Suai raginio, mangani' Aku niayuk rirun ra kalangkayaan am rapu' ondo' masuang poyo kaga', am niayuk mampasauk rirun ra mauligan kaga' intor ra raja' ra bokon ondo' paat ra galing i am poyo paat ra orou tauli no.”

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MAZMUR 71:3

Sauk no ra sindungan kuno ra mapiot, am kubu ra maikang koson manindung raki'; Okou noyo manindung am manungka' raki'.

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

KAINGKUALAN 4:22

Indagu ra raja' no ra Aku Tuhan mindagu koson ragitio, ‘Israil noyo anak katuaan Kuno.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

UNTABAN 24:7

Makaalap ilo ra timug ru rasam ra luluab, am mantanom ra sampug giu' ra umo ondo' maukop ra timug. Raja' nilono maayo poyo intor ra Raja' Agag, am pamarintaan nano kalangkaan.

ROMA 8:29

Ilo ondo' pinili' noyo ri Aki Kapuuno', inaru' niayuk intor ra talimpuun i masauk koson ra Anak Nano, i Jisus Kristus, am koson raginio Anak Nano masauk ra katuaan ru masuang pabukat.

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

KOLOSI 1:18

Io no maningganai ra inan, ioginio pasimpungan ulun Kristian, am Io poyo puun ru kaayagan bagu nilono. Io po Anak Langkuir ri Aki Kapuuno' ondo' binayag saguli' intor ra kapatayan, koson nampasauk Riso ra maatang intor ra ngaangai'.

PINAINTALANG 19:16

Sukub Nano am ra paa Nano tinulisan ra inggalan koson ragitio, “Raja' ru ngaangai' raja' am Tuhan ru ngaangai' tuan”.

PINAINTALANG 21:24

Bansa'-bansa' ra tana' ti mangkiralan ralalom sinda nano am raja'-raja' ru tana' ti pana ibiton nilo kalangkayaan nilono ra bandar no.