MAZMUR 89:2 - Tanou Moonsoi Timugon

² Iou Tuhan, kalo langgain ku marimbai ra togom Muno ra mantilayun; potonowon ku gagaya' Muno ra sabuoi-buoi no.

MAZMUR 89:2 ပူးပေါင်းရင်းမြစ်များ

NIGIMIA 1:5

“Iou Tuhan i Aki Kapuuno' mangnguasa' giu' ra suruga'! Okou i Aki Kapuuno' ondo' matulai, am tumingkuang akai Rirun ra malaa' kaga'. Gumagaya' Kou ra nabantuan Muno risilo ondo' motogom Rirun am mambaal ra susuban Muno.

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

NIGIMIA 9:31

Kaa', sabap ra Okou maayo kaga' guang makaasi', kalo nangiruan Kou kapoam namuso risilo. Okou i Aki Kapuuno' ondo' motogom am makaasi'!

MAZMUR 103:17

Kaa' Tuhan magulayun monogom ra ulun ondo' mangurumat Riso, am kaansayan Nano soroi saboi ra sabuoi-buoi no,

MAZMUR 119:89

Iou Tuhan, bala' Muno mantilayun ra sabuoi-buoi no; bala' Muno mantilayun giu' ra suruga'.

MAZMUR 146:6

Io noyo i Aki Kapuuno' ondo' namangun ra limbowon, tana' ti am raat, am niayuk ngaangai' suang nano. Masalok Io manugut ra bantu' Nano;

MAZMUR 36:5

Mangatang ilo ra malaat bulintok miluluya' ra katil; kolondo' baalon nilono ra moonsoi, am kalo igondo' ilo panatang ra atan-atan malaat.

MAZMUR 40:11

Kalo buliin ku tanou pamayagan raginio ralalom ru guang, masalok aku mantunung ra indangan am gagaya' Muno. Ralalom pantitimungan ru ulun Muno, kalo igondo' aku pongkoror intor ru gagaya' am togom Muno.

MAZMUR 42:1

Ra tingganai ru santimungan maririmbai. Sisindiron ru bansa' ri Kora.

MAZMUR 89:37

Mansusugul papag nano, am alungin Ku pamarintaan nano buoi ru mato ru orou soroi.

MAZMUR 89:5

‘Sabuoi-buoi no panturungan muno ingain Ku, sayat muno mansusugul masauk ra raja'.’ ”

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

MATIUS 24:35

Limbowon am tana' ti mapuso, kaa' ragu Kutu mantilayun.”

LUKAS 1:50

Makaasi' i Aki Kapuuno' ra ulun ondo' mangurumat Riso intor ra rondo' papag suku' ra papag ra bokon.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.