MAZMUR 89:19 - Tanou Moonsoi Timugon

¹⁹ Okou, Tuhan nampili' ra manindung ramon; Okou, i Aki Kapuuno' Ondo' Matulai Kaga', i Aki Kapuuno' ru ulun ru Israil nanaak ramon ra raja'.

MAZMUR 89:19 ပူးပေါင်းရင်းမြစ်များ

1 SAMUIL 16:18

Nokorongog ra baal raginio indagu sangulun intor ra ulipon ru raja' no, “I Isai, ulun ru Bitligim no mokoondo' sangulun anak ungkuyon ondo' mapandai mangkuli ra miujik. Io niayuk sangulun ondo' baani am saujor ondo' moonsoi. Io ti poyo maindon am mapandai mindagu. Tuhan no mabaya' riso.”

1 RAJA'-RAJA' 11:34

Kaa' kalo alapon Ku ngaangai' pamarintaan no intor ri Salomo. Mangiou Aku riso mamarinta buoi ru bayag nano. Baalon Ku ginio sabap ra ulipon Kuno i Daut, ondo' pinili' Kuno am ondo' giminagaya' ra ukum am niayuk susuban Kuno.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

MAZMUR 89:3

Nakapandai aku ra togom Muno mantilayun, am gagaya' Muno mapiot koson ra limbowon.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.

2 PITRUS 1:21

Kaa' kalo noyo igondo' bala' ri Aki Kapuuno' pinasaboi maya' ra kasagaan ru guang ru ulun ayuk. Kaa' Ambiluo ri Aki Kapuuno' noyo ondo' nanguasa' ra ulun paat ra ilo nampasaboi ra bala' intor ri Aki Kapuuno' ragili.

LUKAS 1:70

Sumugut ra nabi-nabi ondo' pinili' Nano ra galing i, nangani' Tuhan ra bantu' Nano

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

JIRIMIA 30:21

Ulun manguasa' risilo matong intor ra bansa' nilo, raja' nilo intor ra bansa' nilo. Muma' io Raki' paat ra Aku mampiau riso, sabap ra osoi kia ondo' baani muma' ra kalo piawon? Masauk ilo ra ulun Kuno am masauk Aku ri Aki Kapuuno' nilo. Aku, Tuhan nakaindagu noyo.”

MAZMUR 42:3

Moondom aku Rirun, i Aki Kapuuno' ondo' maayag; sanggilan kia aku makasambayang ra saang Muno?

2 SAMUIL 17:10

Kinibit ru ginio, ulun ondo' baani kaga' am maikang toojo koson ra singa' pana malaa'. Ngaangai' ulun giu' ra Israil makapandai ra ama' muno sangulun tutumula', am ra ulun-ulun nano tutumula' ondo' maikang ra baani.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”

MAZMUR 3:4

Kaa' Okou, iou Tuhan, ampin noyo ondo' manindung raki'. Manaak Kou raki' ra kamanangan am mapasaguli' ra ambiluo kuno.