MAZMUR 89:11 - Tanou Moonsoi Timugon

¹¹ Kuriopolon am potoyon Mu i Ragab; maayo ulun no, am kalaan Mu pantula' Muno ra kaikangan Muno.

MAZMUR 89:11 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

KASAUKAN 2:1

Ginio noyo baal ru napasaukan ra limbowon am tana' ti am ngaangai' suang no.

1 TUNUNG RU BANSA' ISRAIL 29:11

Okou maayo kaga' am makakuasa'. Matulai Kou, masawat kaga' am maayo kaga'! Ngaangai' giu' ra limbowon am ra tana' ti longgom Muno. Okou no raja' ra maayo kaga', panguasa' ra ngaangai' no.

AYUP 38:18

Nakapandai kou kia ra kinalangka' ru tana' ti? Taamo' noyo, amon ru makapandai kou ra ngaangai' no.

AYUP 41:11

Osoi kia makabulunsar riso ra kalo mapilatan? Kolondo' osoi pana ra tana' ti makakau' mambaal raginio.

MAZMUR 115:16

Suruga' iono longgom ru Tuhan ayuk, kaa' tana' ti pinataak No ra ulun.

MAZMUR 50:12

Amon maitilan Aku, kalo makipakan Aku ramuyun, sabap ra tana' ti am niayuk suang no longgom Kuno.

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.

1 KORINTUS 10:26

Sabap ra mokoondo' tinulisan ra Buuk Kitab, “Tana' ti am ngaangai' ru suang nano longgom ri Aki Kapuuno'.”

1 KORINTUS 10:28

Kaa' amon ru mokoondo' mindagu ramuyun ra, “Akanon ti nakapakan noyo ra sinungkalalaing,” pai' noyo akano', sabap ra mangkara' ra kaatangan ru ulun no am sabap ra kaimamangan ru guang. (