MAZMUR 86:5 - Tanou Moonsoi Timugon

⁵ Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

MAZMUR 86:5 ပူးပေါင်းရင်းမြစ်များ

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

MAZMUR 103:3

Inampun No ngaangai' tula kuno, am namabas ra nansalinut maruol kuno;

MAZMUR 103:8

Tuhan motogom am maupus, maawar orot ru guang, am napanu' ra togom.

MAZMUR 119:68

Moonsoi Kou kaga' am baalon Muno moonsoi; ilaa' aku no ra panusuban inatang Muno.

MAZMUR 130:4

Kaa' mangampun Kou ramon, maa' raginio mangurumat am gumagaya' akai Rirun.

MAZMUR 130:7

Akau Israil, lansan kano ra Tuhan, sabap Io maaru' monogom am masalok tumampos mamayag ramuyun.

MAZMUR 145:18

Minggaar Io ra ulun ondo' mampiau Riso, am ondo' makiasi' toojo Riso.

MAZMUR 25:8

Sabap ra Tuhan no moonsoi am matimpok, tuluin No ulun nakalayau no ra ralan.

MAZMUR 36:7

Kinoonsoi Muno kalo mauyog koson ra gunung maayo, katimpakan Muno koson ra landom ru raat. Okou magalung ra ulun am bibiag.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 52:1

Ra tingganai ru santimungan maririmbai. Sisindiron ri Daut,

MAZMUR 69:14

Kaa' aku, makiasi' aku Rirun, iou Tuhan; iowo' noyo pakiasian kuno, iou Aki Kapuuno', sumugut ra bulintok Muno. Iowo' noyo pakiasian kuno ralalom ru togom Muno ra maayo no, sabap ra sinugut Mu bantu' koson mamayag raki'.

MAZMUR 69:16

Pai' polosoo' liur no mangabas raki'; pai' aku polosoo' molosor ra lonor ru raat, kapoam malinjob ra ralalom ru lobong.

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JIRIMIA 33:3

“Golok no Raki', am taamon Ku; mambala' Aku rirun ra baal-baal ondo' moonsoi am makaimuag, ondo' kalo poyo napandayan muno.

YEHEZKIEL 36:33

Indagu Tuhan Raja', “Mopongo Takamin maimpasawan intor ra ngaangai' tula mino, iowon Takamin mayan poyo giu' ra bandar-bandar mino, am mamuna' ra nangalunsai no.

YEHEZKIEL 36:37

Indagu Tuhan Raja', “Igondo' poyo iowon Ku ulun ru Israil makiindangan Raki', am ruangin Ku suang nilo koson ra sampanon ru domba.

DANIL 9:9

Maayo guang Muno makaasi' am mangampun, kabalu' pana giminuor akai Rirun.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

MIKA 7:18

Iou Tuhan, kolondo' koson Rirun. Mangampun Kou ra tula ru ulun ondo' lakat poyo maayag. Kalo sumangit Kou ra sabubuoi no, kaa' masaga' Kou manulu' ramon ra togom Muno ondo' mantilayun.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

RINALATAN 2:21

Paat raginio, osoi ayuk makiindangan ra Tuhan, bayagon io.’

IPISUS 2:4

Kaa' ginio gayo ru asi' ri Aki Kapuuno' am poyo togom Nano ritakau ra kalo maalap kauntob,