MAZMUR 86:3 - Tanou Moonsoi Timugon

³ Okou noyo i Aki Kapuuno' kuno, pakaasi' no raki'; monsongorou aku makiasi' Rirun.

MAZMUR 86:3 ပူးပေါင်းရင်းမြစ်များ

MAZMUR 25:5

Ilaa' aku maa' raginio maayag aku sumugut ra kasagaan Muno, sabap ra Okou mamamayag raki'. Masalok aku lumansan Rirun.

MAZMUR 4:1

Ra tingganai santimungan maririmbai. Ondo' sumbayaan ru jitor. Mazmur ri Daut.

MAZMUR 41:5

Mindagu aku, “Iou Tuhan, natulaan aku Rirun; pakaasi' no raki' am babaso' aku no!”

MAZMUR 55:17

Kaa' mampiau aku ra Tuhan i Aki Kapuuno' koson mangindangan raki', am bayagon No aku.

MAZMUR 56:1

Ra tingganai ru santimungan maririmbai. Sumugut ra rimbai: Susuit Asang ra kalo naguta' minatong intor ra libung maalur. Mazmur ri Daut, paat ra ulun ru Palistin namparakop riso giu' ra Gat.

MAZMUR 57:1

Ra tingganai santimungan maririmbai. Sumugut ra rimbai: Pai' pusoo'. Mazmur ri Daut, bulintok ra io nansibuni ra luang ru batu koson manuliar ra Raja' Saul.

MAZMUR 88:10

mato kuno majapul sabap ra imbolo'. Iou Tuhan, moonong orou aku mampiau Rirun, patunuyon ku longon ra aku makiasi' Rirun.

MAZMUR 88:2

Iou Tuhan, i Aki Kapuuno' ondo' namayag raki', bulintok ra matawang mampiau aku Rirun, bulintok ra molondom matong aku ra saang Muno.

MAZMUR 88:9

Okou nangkinibit ra ngaangai' ru rangan kuno nangiruan raki'; Okou nangkinibit risilo mataman raki'. Naaput aku am kalo boo makaingkual;

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

LUKAS 2:37

Raino balu' ngoopor am apat ngambilor noyo kinatuo nano. Orou-rondom io soroi ra Baloi Tuhan koson makiasi' ri Aki Kapuuno' am mampali.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.