MAZMUR 86:2 - Tanou Moonsoi Timugon

² Palabuso' aku intor ra patayan, sabap ra mampagagaya' aku Rirun; bayago' noyo aku ti, ulipon Mutu ondo' mangintopot Rirun.

MAZMUR 86:2 ပူးပေါင်းရင်းမြစ်များ

MAZMUR 119:94

Bayago' aku no sabap ra aku longgom Muno; pinirot ku noyo gumagaya' ra panusuban Muno.

MAZMUR 13:5

Pai' polosoo' pantula' kuno mindagu ra nangala ilo raki'. Pai' polosoo' ra ilo magasab raki'.

MAZMUR 143:12

Potoyo' pantula' kuno sabap ra motogom Kou raki'; luuso' ngaangai' ondo' liminaat raki', sabap ra aku ti ulipon Muno.

MAZMUR 16:1

Mazmur ri Daut. Alungi' aku no, iou Aki Kapuuno', sabap ra siminindung aku Rirun.

MAZMUR 18:19

Bulintok ra aku makakapaganan, bulunsaron nilo aku, kaa' Tuhan manindung raki'.

MAZMUR 25:2

Iou Aki Kapuuno' kuno, mangintopot aku Rirun. Pai' aku polosoo' tauyuon; pai' polosoo' pantula' kuno magasab raki'.

MAZMUR 31:1

Mazmur ri Daut.

MAZMUR 31:14

Masuang maining ku ra ragu intor ra pantula' kuno; ra libung kuno mokoondo' tanou ra malaat kaga'. Maguguum ilo koson makimantula' raki', am mangatang ilo mamatoi raki'.

MAZMUR 37:28

sabap ra Tuhan masaga' ra ondo' motopot, am kalo manatang ra ulun Nano ondo' gumagaya'. Sindungin No ilo ra sabuoi-buoi no, kaa' sayat ru ulun malaat inggalarin.

MAZMUR 4:3

Ngaangai' ulun, kula' poyo buoi ra akau magasab Raki'? Kula' poyo buoi ra akau monogom ra baal kolondo' onong no, am mangilou ra ondo' kalo motopot?

MAZMUR 50:5

Mindagu Io, “Luluro' min noyo ulun Kuno ondo' gumagaya', ondo' mangirot ra nabantuan Raki' am piniot poyo ra taak simbalui.”

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 17:11

Raino sumaguli' Aku Rirun. Kalo boo mayan Aku ra tana' ti; kaa' ilo lakat poyo soroi ra tana' ti. Ama' ra matulai! Alungi' ilo noyo ralalom ru kuasa' ru inggalan Mu, ioginio inggalan ondo' pinataak Muno Raki', maa' raginio rondo' guang nilo, nogondo' Rito.

ROMA 9:18

Ginio nai ra, amon ru masaga' i Aki Kapuuno' makaasi' ra sasangulun, ginio baalon No. Am poyo, amon ru masaga' Io mambaal ra sasangulun mokotog ulu, ginio baalon No.

1 SAMUIL 2:9

“Manindung Io ra kaayagan ru ulun Nano ondo' gumagaya', kaa' ulun malaat mapuso ralalom ru molondom kaga'. Ra kaikangan galama', ulun kalo makasugut.