MAZMUR 85:12 - Tanou Moonsoi Timugon

¹² Gagaya' ru ulun magaloi intor ra tana' ti, am katimpakan ri Aki Kapuuno' manginduku' intor ra suruga'.

MAZMUR 85:12 ပူးပေါင်းရင်းမြစ်များ

MAZMUR 67:6

Gama' ru bansa'-bansa' mongompor Rirun, iou Aki Kapuuno'; gama' ru ngaangai' bansa' mongompor Rirun!

MAZMUR 72:16

Gama' ru makabujuk bilor no ra titikop ru pagun; gama' ru matitip bulur no ra tatanom, koson kinalabung ru tatanom ra Libanon. Gama' ru mososok bandar no ra ulun, koson ra sakot tumuu' ra limayak.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JISAYA 32:15

Kaa' igondo' poyo i Aki Kapuuno' matong ralalom kuasa' Nano. Tana' ra mapua' pana masauk malabung, am umo no mapaingkual ra ampos ondo' masuang.

JISAYA 45:8

Patuunon Ku kamanangan koson ra rasam intor ra limbowon; tana' ti pariukab koson mangapu riso, am tumuu' boo kaluagan am katimpakan, sabap ra Aku, Tuhan, mapasauk ra babaal ragitio.”

IMAMAT 25:19

Tana' ru pagun no manangampos saboi makaakanon kau ra maukop am mayan ra giu' no ra namio-mio.

IMAMAT 26:4

mapatuun Aku ra rasam ra matuma' paat no maa' raginio makapanangampos tana' mino am mangkawa' puun-puun no.

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

MATIUS 13:23

Sampug ondo' nakatias ra tana' malabung no koson ra ulun ondo' mangkirongog ra tanou no am makarati' ilo. Mangkakawa' ilo, mokoondo' mangkawa' ra maatus ruli' no, mokoondo' onom ngoopor am bokon no talu ngoopor.”

MATIUS 13:8

Kaa' mokoondo' niayuk naratu' ra tana' malabung am nangkawa'. Mokoondo' maatus kawa' nano, mokoondo' onom ngoopor, am mokoondo' niayuk talu ngoopor.”

RINALATAN 2:41

Masuang ulun nangintopot ra rinagu ri Pitrus, am ilo pana riniu'. Suang ru ulun nangintopot ri Kristus paat ra orou raginio riminuang poyo ra talu ngaribu ngaulun.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

IPISUS 1:3

Paringkuanang takano ri Aki Kapuuno', io no Ama' ru Tuhan takau i Jisus Kristus. Sabap ra ralalom pasimpungan takau ri Kristus, nangani' Io no ritakau ra nansalinut barakat ralalom ru Ambiluo Nano ondo' intor ra suruga'.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.