MAZMUR 81:13 - Tanou Moonsoi Timugon

¹³ Ginio ra nopoloso Aku risilo maya' ra kasagaan nilono, am mambaal ra kasagaan nilono.

MAZMUR 81:13 ပူးပေါင်းရင်းမြစ်များ

JISAYA 48:18

Amon ru ilain min ukuman Kuno, makaapu kau ra barakat ondo' kalo maukat-ukat koson ra sungoi ra kalo igondo' kalasak. Kolondo' pupus ru ampos mino koson ra kinulun ru raat ondo' kalo igondo' longgo'.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

SAGULION 32:29

Kalo nakapandai ilo kua kinala ilo, kalo makarati' ilo ra atan ondo' nasauk noyo.

AMSAL 1:31

Intor raginio, malimanan min kinibit ru binaal am ginuang min ra mangalaat.

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.