MAZMUR 80:8 - Tanou Moonsoi Timugon

⁸ Patapulio' akai, iou Aki Kapuuno' Ondo' Maayo Kaga' Kuasa'. Pakaasi' no ramon maa' raginio maayag akai.

MAZMUR 80:8 ပူးပေါင်းရင်းမြစ်များ

MAZMUR 31:17

Gama' ru apuon Mu ulipon Muno; sabap ra togom Muno bayago' aku no.

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

MAZMUR 60:3

Iou Aki Kapuuno', inimpayan Mu akai am kinala Mu akai; siminangit Kou kaga' ramon, kaa' raino saguli' no ramon!

MAZMUR 78:55

Bulintok ra ulun Nano nakasuku' ininggalaran No namagun no, am tatayaro' no pagun no ra ngaangai' ru bansa' ru Israil, am intok ru pantula' pinataak No ra ulun Nano.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

JIRIMIA 2:21

Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

YEHEZKIEL 15:6

Gitio noyo ragu ru Tuhan Raja', “Koson ra bulisang ru puun ru anggur inalap intor ra kataunan am sinolob, koon niayuk ra pamakuan Kuno ra mamagun ru Jirusalim,

YEHEZKIEL 17:6

Tatanom no nasauk ra puun ru anggur ondo' magana' am giminawar toojo. Bulisang nano timinuu' ra riminasawat sumuku' ra susuit kanui no am bakat nano timinuu' riminalalom ra tana'. Puun ru anggur no maawas kaga' raun am bulisang.

YEHEZKIEL 19:10

Ina' min koson ra puun ru anggur ondo' tinanom giu' ra kiing ru sungoi boborok. Sabap ra masuang timug ra giu' no, puun no nangkawa' am makaraun ra maawas.

RINALATAN 7:45

Kopongo ragili kinamatuaan takali nangapu ra Kim ti am inibit nilo paat ra ilo minaya' ri Josua minongoi pampagaau ra pagun takau ti. Ioginio paat ri Aki Kapuuno' nampagiru' ra bansa' ru bokon ondo' nongompong risilo. Kim i siminoroi ra giu' i saboi ra paat ru raja' Daut.

JOSUA 13:6

nakasimpung niayuk titikop pagun ru ulun Sidon, ondo' minayan giu' ra kabuluran pangkilolot ru Kagunungan Libanon am Misripot-Maim. Pagiruon Ku ngaangai' ulun raginio paat ra ulun ru Israil mamulunsar risilo. Tayaro' noyo am pataako' noyo tana' no ra ulun ru Israil koson ra longgom nilo, koson ra nanusuban Kuno rirun.