MAZMUR 79:8 - Tanou Moonsoi Timugon

⁸ Pai' akai ukumi' sabap ra tula ru kinamatuaan maili, kaa' pakaasi' no ramon ra mataki', sabap ra akai malawo guang.

MAZMUR 79:8 ပူးပေါင်းရင်းမြစ်များ

KASAUKAN 15:16

Masuku' papag kaapat muno, sumaguli' ilo ragiti sabap kalo paugaron Ku ulun ru Amori ra ilo kalo poyo lumaat kaga' saboi ilo ukumin.”

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

MAZMUR 106:43

Magail ayuk Tuhan no mamayag ra ulun Nano, kaa' lakat ilo poyo manggal Riso, saboi tula nilono rumuang-ruang.

MAZMUR 116:6

Manindung Tuhan ra ulun kolondo' lulu'; bulintok ra aku makauma' ra makalalaa', bayagon No aku.

MAZMUR 130:3

Amon ru rayusin Mu mangkara' ra tula maino, osoi kia makalabus ra ukuman?

MAZMUR 142:6

Iou Tuhan, mampiau aku ra makiindangan Rirun, Okou noyo manindung raki', Okou ayuk gogoton kuno ralalom ru kaayagan ti.

MAZMUR 21:3

Sinugut Mu atan ondo' gogoton nano; iniou Mu atan ondo' kinitaak nali.

MAZMUR 25:7

Ampuno' noyo ngaangai' tula am nasalaan kuno intor ra aku mamulok. Iou Tuhan, ralalom ru katagaman am kaansayan Muno karaa' aku no.

KAINGKUALAN 32:34

Ugar no raino am ibito' ulun raginilo mongoi ra intok ondo' sinabit Ku noyo rirun. Karaa', maningganai malaikat Kuno rirun, kaa' masaboi paat no ra mangukum Aku ra ulun ragitilo sabap ra tula nilo.”

JISAYA 64:9

Ginio ra pai' noyo ianga' sangit ramon, kapoam mangkara' ra tula mai ra sabuoi-buoi no. Akai ulun Muno, pakaasi' noyo ramon.

YEHEZKIEL 2:3

“Okou ulun mapandai matoi, susubon Tokou mongoi ra ulun ru Israil. Giminuor ilo Raki' koson ra kinamatuaan nilo ragili. Saboi raino lakat ilo poyo gumuor.

DANIL 9:16

Sinaung Mu akai ragili. Ginio ra pai' noyo boo sangit ra Jirusalim. Bandar ti bandar Muno, bulur Muno ondo' matulai. Ngaangai' ulun intor ra pagun-pagun paginggaar nagasab ra Jirusalim am ulun Muno, sabap ra tula mai am kalaatan ondo' binaal ru kinamatuaan mai.

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

GOSIA 9:9

Binaal mino malaat kaga', koson ondo' binaal ru ulun giu' ra Gibia. Karaan ru Tuhan tula min am mangukum ramuyun.

SAGULION 28:43

“Ulun bansa' ru bokon ondo' minayan ra pagun mino lumanja' makakuasa', kaa' akau lumanja' lumiot kuasa'.

PINAINTALANG 18:5

Sabap ra tula nilo natuntur noyo suku' ra limbowon, am kalaatan nilo makara' ri Aki Kapuuno'.