MAZMUR 79:2 - Tanou Moonsoi Timugon

² Baangkai ru ulun Muno tinatang nilo koson paakanin ra susuit ondo' maangkan ra baangkai. Baangkai ru ulipon-ulipon Mu pinoloso nilo paakanin ra bibiag masigo.

MAZMUR 79:2 ပူးပေါင်းရင်းမြစ်များ

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 19:7

Intok ragitio sulangon Ku ngaangai' inatangan ru ulun ru Jiuda am mamagun ru Jirusalim. Polosoon Ku ilo kalaan ru pantula' am potoyon ralalom ru pangayawan. Polosoon Ku baangkai nilo akanon ru susuit am bibiag masigo.

JIRIMIA 34:20

Pataakon Ku ilo ra pantula' ondo' masaga' mamatoi risilo. Baangkai nilo akanon ru susuit am bibiag masigo.

JIRIMIA 7:33

Baangkai masauk ra akanon ru susuit am bibiag masigo am kolondo' boo ulun mangunjau.

JIPANYA 1:17

Indagu Tuhan, “Porotongon Ku masuang karaat ra ulun, saboi moonong ulun matukangkam koson ra ulun bolou. Makatula ilo noyo Raki', am raino raraa' nilo nalayak koson ra timug, am baangkai nilo mootong ra tana'.”

SAGULION 28:26

Paat ra akau matoi, susuit am bibiag masigo matong am mangakan ra baangkai min. Kolondo' sangulun pana mangunjau ra susuit am bibiag raginio.