MAZMUR 79:10 - Tanou Moonsoi Timugon

¹⁰ Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.

MAZMUR 79:10 ပူးပေါင်းရင်းမြစ်များ

MAZMUR 115:2

Kua kia pangkuot ngaangai' bansa', “Atibo kia i Aki Kapuuno' nilono?”

MAZMUR 42:10

Ri Aki Kapuuno', manungka' raki', mindagu aku, “Kua kia pampalilian Kou raki'? Kua kia tanduusi' ku magiba' ra imbolo', kinibit ru kalaatan ru pantula' kuli?”

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 42:3

Moondom aku Rirun, i Aki Kapuuno' ondo' maayag; sanggilan kia aku makasambayang ra saang Muno?

MAZMUR 42:4

Orou rondom aku mantangi', lomou ayuk akanon kuno; magail ayuk pantula' kuno mangkuot raki', “Ati kia i Aki Kapuuno' muli?”

MAZMUR 58:11

Paat magilong ra ulun makatula ukumin, ulun mapintar maansayan, am mambagu' ra kalayam ra raraa' ru ulun nausung.

MAZMUR 9:16

Bansa'-bansa' ondo' kalo makaulig Rirun maratu' ilo ra luang ondo' kinali nilo galama'; napataan ilo ra paninigot, kaa' ilo galama' siminulung.

MAZMUR 94:1

Iou Tuhan, Okou noyo i Aki Kapuuno' ondo' mangukum ra ulun makatula; paintalango' noyo sangit Muno!

KAINGKUALAN 6:7

Mapasauk Aku ramuyun ra ulun Kuno galama', am masauk Aku ri Aki Kapuuno' min. Makapandai kau ra Aku noyo Tuhan i Aki Kapuuno' min, paat ra Aku mapalabus ramuyun intor ra pangulipanan ra pagun ru Misir.

KAINGKUALAN 7:5

Makapandai boo ulun ru Misir ra Aku noyo Tuhan paat ra Aku mangukum risilo am magibit ra ulun ru Israil mingkual intor ra pagun ru Misir.”

JISAYA 64:1

Rilako' noyo limbowon am tuun no, iou Tuhan! Gunung magilong Rirun, am gunung mauyog sabap ra malaa'.

JIRIMIA 51:24

Indagu Tuhan, “Makakito kou ra Aku mambalos ra Babilonia am mamagun nano ra ngaangai' kalaatan ondo' binaal nilo ra Jirusalim.

JIRIMIA 51:35

Musiti' mamagun ru Sion mindagu, “Polosoon Babilonia malumpa' ru kalaatan ondo' binaal nali ritakau!” Musiti' mamagun ru Jirusalim mindagu, “Polosoon Babilonia malumpa' ru kaimbalaan ondo' pinalumpa' nali ritakau!”

SULABOI 1:22

“Sonsolo' ilo sabap ra ngaangai' kalaatan nilo. Ukumi' ilo koson ra Okou nangukum raki' sabap ra tula kuno. Mampalaa aku sabap ra mangiluk kaga' guang kuno.”

YEHEZKIEL 36:23

Paat ra pakitonon Ku katulayan ru inggalan Kuno ondo' maayo no ra bansa'-bansa' – inggalan ondo' jinamol min ra akau po ngai' – bagu no makapandai bansa'-bansa' ra Aku noyo Tuhan. Aku, Tuhan Raja' nakaindagu noyo. Pakayon Takamin koson mampakito ra katulayan Kuno risilo.

JOIL 2:17

Imam-imam ondo' mangandoi ayuk ra Tuhan giu' ra lolot ru altar am langgar ra tingganai Baloi ru Tuhan, musiti' mantangi' am makiasi' koson ragitio, “Pakaasi' no ra ulun Muno, iou Tuhan. Pai' polosoo' bansa' ra bokon magasab am mangiis ramon am mindagu, ‘Ati kia i Aki Kapuuno' min?’ ”

MIKA 7:10

Paat raginio pantula' takau makakito ra baal ondo' binaal ru Tuhan ritakau, am ilo pana tauyuon. Ilo no pantula' magagasab ritakau ragili am mindagu, “Ati boo Tuhan, i Aki Kapuuno' mino?” Magilong takau risilo kalaan am kikinjangin koson ra losok giu' ra ralan.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.