MAZMUR 79:1 - Tanou Moonsoi Timugon

¹ Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

MAZMUR 79:1 ပူးပေါင်းရင်းမြစ်များ

2 RAJA'-RAJA' 24:13

Kuliamos giu' ra Baloi ru Tuhan am istana inibit ru Raja' Nibukadnijar ra Babil. Koson ra ondo' rinagu noyo ru Tuhan, inumok ru Raja' Nibukadnijar ngaangai' kuliamos mas ondo' binaal ru Raja' Salomo ondo' pinakai giu' ra Baloi ru Tuhan.

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

2 TUNUNG RU BANSA' ISRAIL 36:19

Linunsai ru raja' no timbok ra bandar ru Jirusalim am nonolob ra bandar no, nakaaya' Baloi ru Tuhan am ngaangai' istana, nababaya' ra kuliamos mongologo giu' ra ralalom ru istana.

MAZMUR 50:1

Mazmur ri Asap. Tuhan, i Aki Kapuuno' Ondo' Maayo Kaga' Kuasa' no mindagu; nampiau Io ra titikop ru tana' ti intor ra sirangon suku' ra kalasaan.

MAZMUR 78:71

intor ra intok nano magalung ra tinambiag, am napasauk riso ra raja' ru Israil koson magalung ra ulun ri Aki Kapuuno'.

KAINGKUALAN 15:17

Nagibit Kou risilo mumpos, am mapaayan risilo giu' ra gunung Muno, intok ondo' Okou, iou Tuhan, nampili' koson masauk ra ayanan Muno; Baloi ondo' binaal Muno galama'.

JISAYA 47:6

Sumangit Aku ra ulun Kuno, kalo boo karaan Ku ilo koson ra ulun Kuno: Pataakon Ku ilo ralalom ru kuasa' muno, am kalo makaasi' kou risilo; ulun matutuo pana talalaingon min.

JISAYA 63:18

Akai ulun Muno ra mapasau ininggalaran ru pantula' mai sangkinolor. Manginjang-nginjang ilo ra Baloi Muno,

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 39:8

Liliwa' raginio ulun ru Babilonia nonolob ra istana ru raja' am baloi ru mamagun, am niayuk nampalunsai ra timbok ru Jirusalim.

JIRIMIA 51:51

Kamin, ‘Inasaban am tinauyu' akai; totopot akai kalo maikang sabap ra ulun bansa' ru bokon minayan ra lamin-lamin matulai giu' ra Baloi ru Tuhan.’

JIRIMIA 52:13

Sinolob no Baloi ru Tuhan, istana, am baloi ru ngaangai' ulun mangaatang giu' ra Jirusalim;

SULABOI 1:10

Pantula' nano nampagaau ra ngaangai' kalangkayaan nano. Nakakito Io risilo siminubol ra Baloi ru Tuhan, intok kalo iowon subolon ru ulun ondo' sala' ka ulun ru Tuhan.

YEHEZKIEL 9:7

Indagu i Aki Kapuuno' risilo, “Jamali' noyo Baloi ru Tuhan. Sosoko' liliut-liliut nano ra baangkai. Talimpuun kano mangandoi!” Ilo pana tumalimpuun mamatoi ra ulun giu' ra bandar no.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

PINAINTALANG 11:2

Kaa' pai' tukuo' liliut ru Baloi Tuhan no, sabap ra tayar raginio tinaakan noyo ra ulun-ulun sala' ka Jaudi. Kikinjangin nilo Bandar Mapasau no buoi apat ngoopor am ruo ngambulan.