MAZMUR 78:72 - Tanou Moonsoi Timugon

⁷² Alungin ilo toojo ri Daut no, am mangila' risilo maya' ra kapandayan no.

MAZMUR 78:72 ပူးပေါင်းရင်းမြစ်များ

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

1 RAJA'-RAJA' 15:5

Binaal ru Tuhan ginio sabap ra Raja' Daut napabansuk ra guang Nano. Kalo igondo' Raja' Daut no anggal ra susuban ru Tuhan, ondo' ayuk am ralalom ru baal ri Uria, ulun ru Git no.

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

1 RAJA'-RAJA' 9:4

Amon ru mangandoi kou ayuk Raki' ra topot-topot ru guang koson ra ama' muli i Daut, am amon ru gumagaya' kou ra ukum-ukum Kuno am niayuk mambaal ra ngaangai' ondo' nanusuban Kuno rirun,

MAZMUR 75:2

Mongompor akai Rirun, iou Aki Kapuuno', maringkuanang akai Rirun. Paraguon mai katulayan Muno, am potonowon mai binaal Muno ra makaimuag kaga'.

YEHEZKIEL 34:2

“Okou ulun mapandai matoi, ulaso' raja'-raja' ru Israil. Panala' no am posoboyo' atan ondo' paraguon Kuno, Tuhan Raja' risilo, ‘Aibui boo ramuyun, akau magagalung ru Israil. Alungin min ayuk kaatangan min galama' am sala' ka kaatangan ru domba-domba.

RINALATAN 13:22

Kopongo i Saul ininggi', papalito' ri Aki Kapuuno' i Daut koson ra raja' nilo. Gitio ragu ri Aki Kapuuno' ri Daut, ‘Napandayan Ku i Daut, anak ri Isai, kasagaan ru guang Kuno, am niayuk gumagaya' io ra ngaangai' susuban Kuno.’

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

2 TIMOTIUS 2:15

Singkotog no toojo ra iowon kou ri Aki Kapuuno' koson sangulun mangangandoi ondo' kalo mauyu' ra baal ru kondoyon nano, kaa' makapangila' toojo ra katapatan intor ri Aki Kapuuno'.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.