MAZMUR 78:58 - Tanou Moonsoi Timugon

⁵⁸ Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

MAZMUR 78:58 ပူးပေါင်းရင်းမြစ်များ

1 RAJA'-RAJA' 11:7

Giu' ra rasawat ru rondo' gunung giu' ra tampilon sirangon ru Jirusalim, Raja' Salomo nambaal ra intok sambaan ra Kamos, dewa makatataman ondo' sambaan ru ulun ru Moab. Nambaal io ra intok sambaan ra Molok, dewa makatataman ondo' sambaan ru ulun ru Amon.

1 RAJA'-RAJA' 12:31

Nambaal niayuk i Jirobiam ra intok-intok sambayangan giu' ra rasawat ru bulur-bulur, am nampili' ra imam-imam ondo' sala' ka intor ra bansa' ru Liwi.

2 RAJA'-RAJA' 17:9

Nambaal ilo ra baal-baal ondo' ininggalaran ru Tuhan, i Aki Kapuuno' nilo. Nambaal ilo ra intok-intok sambaan giu' ra ngaangai' ru bandar nilo, intor ra kampung ondo' boborok kaga' saboi ra bandar ondo' maayo kaga'.

2 RAJA'-RAJA' 21:7

Pinabanta' ru Raja' Manasi sinungkalalaing ru Dewi Asyira giu' ra Baloi ru Tuhan, ondo' intok raginio inindaguan ru Tuhan ri Daut am i Salomo anak ungkuyon nano, “Baloi Kutu am bandar Jirusalim ti ondo' pinili' Ku noyo intor ra wilayah mopor am ruo bansa' ru Israil, iono intok ondo' inaru' Ku koson ra intok sumambayang Raki'.

2 TUNUNG RU BANSA' ISRAIL 21:11

Nambaal piboo Raja' Jigoram ra intok-intok sambaan ra sinungkalalaing giu' ra kagunungan ru Jiuda, am nangkinibit ra mamagun ru Jiuda am Jirusalim makatula ra Tuhan.

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 97:7

Ngaangai' ulun sumamba ra sinungkalalaing tauyuon, ngaangai' dewa migulatur ra saang ru Tuhan.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

JIRIMIA 8:19

Rongog no! Giu' ra titikop pagun morongog ku bansa' kutu mampalaa, “Kolondo' kia boo Tuhan giu' ra Sion? Ati kia raja' ru Sion raino?” Taam Tuhan, raja' nilo, “Kua singkualo' min sangit Kuno? Sumangit Aku sabap ra sinamba min sinungkalalaing min am kumuku' samba ra dewa-dewa ru bansa' bokon ondo' kolondo' noyo toojo onong.”

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

UNTABAN 33:52

pagiruo' noyo ngaangai' mamagun ru tana' no. Pusoon noyo ngaangai' sinungkalalaing nilo ondo' binaal intor ra batu am basi'; pusoon noyo intok-intok sambayangan nilo.

1 KORINTUS 10:22

Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

SAGULION 12:2

Giu' ra tana' ondo' ayanin min, pusoo' noyo ngaangai' intok sambaan ra dewa giu' ra rasawat ru gunung ondo' masawat, am giu' ragana' ru tataun masansam, intok ru bansa' ondo' minayan ra giu' no sumamba ra tuhan-tuhan nilo.

SAGULION 12:4

Paat sumamba kau ra Tuhan i Aki Kapuuno' min, pai' tilu ra bansa' raginio sumamba ra tuhan-tuhan nilo.

SAGULION 27:15

“ ‘Kaulas noyo ulun ondo' mambaal ra sinungkalalaing intor ra batu, tataun, kapoam basi', am sumamba raginio ra sinokon. Masisang Tuhan ra sumamba ra sinungkalalaing.’ “Ngaangai' ulun tumaam ra, ‘Amin!’

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

TINGGANAI RU BANSA' 10:6

Igondo' poyo ulun ru Israil makatula ra Tuhan. Sinamba nilo Baal am Asyitorit am niayuk dewa ru bansa' ru Siria, Sidon, Moab, Amon am Palistin. Nangiruan ilo ra Tuhan am kalo boo sumamba Riso.

TINGGANAI RU BANSA' 2:17

Kaa' kalo lioon ru ulun ru Israil tingganai-tingganai no. Kalo giminagaya' ilo ra Tuhan; siminamba ilo ra tuhan ra bokon. Giminagaya' kinamatuaan nilai ra susuban ru Tuhan, kaa' sukor bagu kalo nambaal koson raginio.

TINGGANAI RU BANSA' 2:20

Ginio ra siminangit kaga' Tuhan ra ulun ru Israil am mindagu, “Liminungkang noyo bansa' ragitio ra nabantuan ondo' binaal Kuno ra kinamatuaan nilo. Giminuor ilo Raki'.

TINGGANAI RU BANSA' 3:19

Kaa' i Igud galama' siminaguli' paat io nakasaboi ra batu-batu inukir maar ra Gilgal, am saguli' ra Raja' Iglon. Indagu i Igud ra raja', “Raja' kuno, mokoondo' inopot ondo' masaga' kuno posoboyon rirun.” Indagu raja' ra ulipon-ulipon nano, “Iruani' min akai ruo!” Ngaangai' ulipon ru raja' no pana miningkual intor ra giu'.