MAZMUR 78:5 - Tanou Moonsoi Timugon

⁵ Pataakon No ukum ra ulun ru Israil, am panusuban ra papag ri Jakub. Inanian No kinamatuaan takali ra susuban koson pailaan ukum Nano ra anak-anak nilo,

MAZMUR 78:5 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

MAZMUR 119:152

Intor ra galing i mapandayan ku pangilaan Muno, ondo' patilayunon Mu ra sabuoi-buoi no.

MAZMUR 147:19

Potonowon No ragu Nano ra ulun Nano, aturan am ukum Nano ra Israil.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 81:5

Gitio noyo rondo' ukum ra tayar ru Israil, rondo' panusuban intor ri Aki Kapuuno' ri Jakub.

KAINGKUALAN 12:27

Musiti' min taamon ra, ‘Gitio noyo taak simbalui Paska koson mangurumat ra Tuhan, sabap ra nansail Io ra baloi ru ulun ru Israil giu' ra Misir. Namatoi Io ra ulun ru Misir, kaa' nopoloso ritakau maayag.’ ” Igulatur boo ulun ru Israil ra sumamba.

KAINGKUALAN 25:16

Musiti' min pabantaan boo karuo-ruo batu pamatikan ondo' pataakon Kuno ramuyun ralalom ru Kaban; batu raginilo makatinulisan ra susuban no.

KAINGKUALAN 25:21

Pabantaa' karuruo batu pamatikan no ra ralalom Kaban, am taubin Kaban no ra panaub no.

KAINGKUALAN 40:20

Kopongo raginio alapo' ri Musa ruo batu pamatikan no am pabantaa' no ra Kaban Nabantuan. Pasulungo' no tataun bandasan ru Kaban ra golong no, am taubi' no Kaban no ra panaub no.

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

JISAYA 38:19

Ulun naayag ayuk mongompor Rirun, koson ragino ra aku mongompor Rirun. Ama' nantunung ra gagaya' Muno ra anak nilono.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

ROMA 3:2

Maaru' masuang onong! Intor poyo ra talimpuun i, ulun ru Jaudi noyo napalansanan ri Aki Kapuuno' ra ragu Nano.

IPISUS 6:4

Matuo kau ngai', pai' kau pampakaruol ra guang ru anak mino suku' ra malikokot ilo. Kaa', sotopot no alungi' am ilaa' min ilo ra pangilaan ru Tuhan.

SAGULION 11:19

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.

SAGULION 31:13

Ginio ralan ru papag min ondo' kalo poyo igondo' nokorongog ra Ukum ru Tuhan i Aki Kapuuno' min mokorongog raginio. Ginio ra migila' ilo mangurumat ra Tuhan buoi ru bayag nilo giu' ra tana' ondo' ayanin min giu' ra sandaup ru Sungoi Jordan.”

SAGULION 32:46

indagu io, “Musiti' kau gumagaya' ra ngaangai' susuban ondo' taakin kuno ramuyun ra orou raiti'. Balai' anak-anak min ra ngaangai' no, maa' raginio gumagaya' ilo toojo ra ngaangai' pangilaan ri Aki Kapuuno'.

SAGULION 4:45

Nangani' i Musa risilo ra ukum raginio malupus ilo miningkual intor ra Misir, am soroi giu' ra tampilon sirangon ru Sungoi Jordan, giu' ra limayak ra sandaup ru bandar Bit-Pior. Libung ragitio nakasimpung ra wilayah ondo' ragili Raja' Sigon tatangan, raja' ru ulun ru Amori, ondo' nakaili' namarinta giu' ra bandar Gisybon. Kinala ri Musa am ulun ru Israil raja' no paat ilo miningkual intor ra Misir.

SAGULION 6:7

Pailaa' noyo ukum raginio ra anak-anak mino. Raguo' noyo ukum raginio paat akau giu' ra baloi kapoam mugar, paat akau tumangus kapoam mangandoi.