MAZMUR 78:13 - Tanou Moonsoi Timugon

¹³ Linapak No raat am naningganai risilo lumaup; sinauk No timug no koson ra timbok.

MAZMUR 78:13 ပူးပေါင်းရင်းမြစ်များ

MAZMUR 38:7

Nakakuung am nakatungaap aku; monsongorou aku mangiluk guang.

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

KAINGKUALAN 14:21

Patutuyo' ri Musa kalindu' nano rasawat ru raat, am mangkinibit Tuhan ra angin sirangon sumiob ra mapuor saboi lumugut timug ru raat. Nagangin buoi ru rondom am nangulau ra raat nasauk ra tana' mapua'. Nalapak timug ru raat,

KAINGKUALAN 14:22

am mansail ulun ru Israil ra raat ra rasawat ru tana' ondo' mapua', liliwa' timug tampilon pamiris am kait koson ra rinding masawat ru timug.

KAINGKUALAN 14:29

Kaa' ulun ru Israil nansail ra raat ralimbou ru tana' ondo' mapua', liliwa' timug tampilon pamiris am kait nasauk ra rinding masawat ru timug.

KAINGKUALAN 15:8

Sinampui Mu raat saboi timug no siminimpor; timinolorog timug no koson ra rinding batu; lonor nano ra malandom kaga' no nasauk mapua'.

JISAYA 63:12

Ati kia Tuhan, ondo' ralalom ru kuasa' Nano nambaal Io ra baal makaimuag ondo' pinabala' galing ri Musa? Linapak No timug ru raat am mangitang ra ulun Nano sumandaup ra raat ondo' malandom, saboi inggalan Nano mauligan kaga' ra sabuoi-buoi no.” Koson ra kuda masigo kalo makasaru ilo sabap ra Tuhan mangindangan risilo.

ABAKUK 3:15

Kikinjangin Mu raat ra kuda Muno, am timug ru raat ondo' lumapos manamputa'.

JOSUA 3:13

Paat ra imam-imam ondo' nansaan ra Kaban Nabantuan ru Tuhan mapatapung ra kalayam ralalom timug, muog Sungoi Jordan ra tumilis; timug ondo' tumilis intor ra ralayo moombon giu' ra rondo' intok.”

JOSUA 3:16

muog sungoi no tumilis. Maalur giu' ra ralayo ru sungoi, natimung timug no giu' ra Adam, rondo' bandar maar ra Sartan. Timug ondo' tumilis mongoi ra Raat Matoi naputat toojo. Ginio ra nakalaup ulun ru Israil ra sungoi maar ra bandar Jiriko.