MAZMUR 77:17 - Tanou Moonsoi Timugon

¹⁷ Timug ru raat no monontol magilong Rirun, iou Aki Kapuuno', lonor ru raat pana maya' ponontol.

MAZMUR 77:17 ပူးပေါင်းရင်းမြစ်များ

2 SAMUIL 22:15

Nampalabus Io ra anak panah Nano, am nampatutuliar ra pantula' Nano. Napapiat io ra ganit saboi nangkinibit risilo nagiru'.

MAZMUR 114:3

Raat Galaga magilong am pagiru', Sungoi Jordan liminonggo' tumilis.

MAZMUR 144:6

Pasalulaa' noyo ganit, maa' raginio pantula' kuno mantutuliar; palabuso' noyo panah Muno maa' raginio magiru' pantula'.

MAZMUR 18:14

Tuhan pana maningkalur intor ra limbowon; am Io Ondo' Masawat Kaga' mapaining ra bolos Nano.

MAZMUR 68:33

Rimbayi' min noyo i Aki Kapuuno', akau ngaangai' karajaan ru tana' ti, parimbai kano ra rimbai mongompor ra Tuhan,

ABAKUK 3:10

Paat ra gunung-gunung makakito Rirun, ngaangai' no muyog; rasam rumatu' intor ra limbowon. Timug giu' ra ragana' ru tana' mompongoos am kinulun nano lumapos.

ABAKUK 3:11

Paat ra panah Muno ondo' maribok manguliat, am tanggulan ondo' suminda ra manguliat, mato ru orou am sila' lumonggo' minsir.

TINGGANAI RU BANSA' 5:4

Iou Tuhan, paat ra Okou nangiruan ra kagunungan Siir, paat ra Okou miningkual intor ra libung ru Idom, napuyu' tana' ti am riminatu' rasam intor ra limbowon. Kukuruas timug intor ra gaun-gaun.