MAZMUR 76:10 - Tanou Moonsoi Timugon

¹⁰ bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

MAZMUR 76:10 ပူးပေါင်းရင်းမြစ်များ

KASAUKAN 50:20

Nangatang kau mambaal ra kalaatan raki', kaa' kalaatan no kinulau ri Aki Kapuuno' ra kaansayan, maa' raginio atan ondo' nasauk ra galing i mamayag ra masuang ulun ondo' mainono' ra raino ti.

MAZMUR 104:9

Inaru' Mu lolot ondo' kalo mabayaan, maa' raginio timug kalo boo sumakob ra tana' ti.

MAZMUR 12:6

Indagu Tuhan, “Ulun musikin impayin, am ulun inimbolo' mampalaa. Raino niayuk Aku matong mapalinos maya' ra kasagaan nilono.”

MAZMUR 46:6

I Aki Kapuuno' minayan ra giu' no, bandar ra kalo pusoon; bulintok ra lakat poyo susuab, matong Io mangindangan riso.

MAZMUR 65:7

Ralalom ru kinaikang Muno pabigoron mu gunung ra intok no, koson mampakito ra kuasa' Muno ra maayo.

MAZMUR 82:8

Ratong no, iou Aki Kapuuno', am akimi' noyo tana' ti; ngaangai' bansa' Okou tatangan.

KAINGKUALAN 18:11

Nakapandai aku ra Tuhan maayo poyo intor ra ngaangai' tuhan, sabap ra nambaal Io ra ngaangai' no paat ra liminaat ulun ru Misir ra ulun ru Israil.”

JISAYA 11:4

Ulun musikin akimin no ra matimpok, am paundokon no ulun lamumu' ra kabanisan ru guang. Tana' ti ukumin no ra susuban nano, am ulun malaat pusoon no.

MATIUS 24:22

Kaa' kinariwa' ri Aki Kapuuno' orou raginio; amon ru kalo, kolondo' sangulun pana ra ulun ti maayag. Kaa' sabap ra ulun-ulun pinili' no, kinariwa' ri Aki Kapuuno' orou raginio.

JUANIS 19:22

Kaa' taam i Pilatus, “Ondo' tinulisan ku noyo, malayun ayuk.”

ROMA 9:17

Sabap ra tinulisan noyo ra Buuk Kitab, kon ri Aki Kapuuno' ra raja' Misir, “Pinasauk tokou ra raja' maa' raginio ralalom rirun mampakito Aku ra kuasa' Kuno, am maa' raginio inggalan Kuno mauligan ra ati-ati ayuk ra tana' ti.”

PINAINTALANG 11:18

Ngaangai' ulun ondo' kalo nangintopot Rirun siminangit toojo, sabap ra nasuku' noyo orou Okou mambalos, am pangakiman Muno ra ulun namagatoi nasuku' noyo. Nasuku' noyo orou Okou mangani' ra ampos ra ulipon-ulipon Muno, ioginio nabi-nabi, am ra ngaangai' ondo' mangintopot am mangurumat Rirun, maatang am kalo maatang. Nasuku' noyo orou mamuso risilo ondo' mampalunsai ra tana' ti.”