MAZMUR 75:7 - Tanou Moonsoi Timugon

⁷ Katimpakan kalo matong intor ra sirangon kapoam intor ra kalasaan, intor ra ralayo kapoam rabugus;

MAZMUR 75:7 ပူးပေါင်းရင်းမြစ်များ

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

2 SAMUIL 6:21

Taam Raja' Daut, “Mansayau aku koson mangurumat ra Tuhan. Nangimpai Io ra ama' muli am niayuk sasambaloi muno, am nampili' raki' koson ra tingganai ru ulun Nano Israil. Rumayus aku mansayau am tumampos ra asabin janjain poyo intor ra raitii' ni koson mangurumat ra Tuhan. Mataman kou raki', kaa' ulipon-ulipon ruandu' no mangurumat raki'!”

MAZMUR 147:6

Ulun ra inimbolo' no inanian No ra kuasa', kaa' ulun malaat no pinapatir No ra tana'.

MAZMUR 50:6

Limbowon napatanou ra katimpakan ri Aki Kapuuno', sabap ri Aki Kapuuno' noyo akim.

MAZMUR 58:11

Paat magilong ra ulun makatula ukumin, ulun mapintar maansayan, am mambagu' ra kalayam ra raraa' ru ulun nausung.

DANIL 2:37

Okou raja' ondo' matulai. I Aki Kapuuno' panguasa' giu' ra suruga' nampasauk rirun ra sangulun raja' maayo kaga'. Nangani' Io rirun ra kuasa', kaikangan am urumat.

DANIL 5:18

“I Aki Kapuuno' Ondo' Masawat Kaga' nampasauk ra ama' muno, Raja' Nibukadnijar ra raja' ondo' maayo, am niayuk nangani' riso ra urumat am katulayan.

LUKAS 1:52

Patuunon No raja' ondo' nanguasa', kaa' pasingkoton No ulun ondo' musikin.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

GALATIA 1:15

Kaa' sabap ra asi' ri Aki Kapuuno', nampili' Io raki' ra aku kalo poyo inanak, am nampiau raki' mangandoi Riso.

1 SAMUIL 15:23

Gumuor ra Tuhan nogondo' laat no ra mambaal ra sihir, am guang ra malilimbau nogondo' laat no ra sumamba ra sinungkalalaing. Ginio sabap ra okou nangimpai ra susuban ru Tuhan, Tuhan pana nangimpai rirun koson ra raja'.”

1 SAMUIL 15:28

Ginio ra kon ri Samuil ra Raja' Saul, “Paat ra orou raiti' niayuk rinilak noyo ru Tuhan no pamarintaan ru Israil intor rirun am pinataak ginio ra ulun ra bokon ondo' moonsoi poyo intor rirun.

1 SAMUIL 16:1

Tuhan pana mindagu boo ri Samuil, “Kula' poyo buoi ra okou mangiluk guang sabap ri Saul? Inimpayan Ku noyo io koson raja' ru Israil. Raino, ibito' noyo umau jaitun am ongoi no ra Bitligim, ongoi ra sangulun ondo' makainggalan ri Isai, sabap ra nampili' Aku noyo ra sangulun intor ra anak nano koson masauk ra raja'.”