MAZMUR 75:3 - Tanou Moonsoi Timugon

³ I Aki Kapuuno' minindagu, “Bulintok ra pangaruan Kuno, mangakim Aku ra ulun ra natimpok.

MAZMUR 75:3 ပူးပေါင်းရင်းမြစ်များ

KASAUKAN 18:25

Pai' potoyo' ulun kolondo' sala mabaya' ra ulun makasala. Tuhan, pai' noyo! Sabap amon ru baalon Mu ginio, ulun kolondo' sala pana makaaya' kaukum. Maaru' akim ru titikop ra tana' ti tumimbalos ra matanda'.”

2 SAMUIL 5:2

Intor ragili, am poyo paat ra Raja' Saul lakat poyo raja' mai, okou noyo naningganai ra saujor ru Israil nangayou. Binantu' niayuk ru Tuhan no rirun ra okou maningganai ra ulun Nano am masauk ra raja' nilo.”

JISAYA 24:19

Tana' ti lumata', mapilang am matutuk.

JISAYA 49:8

Tuhan mindagu ra ulun Nano, “Bulintok ra Aku mangiou, tumaam Aku; orou ra Aku mamayag, indanganon Takamin. Sindungin am alungin Takamin, am saukon Ku nabantuan ra bansa'-bansa'. Tapulion Ku pagun ra masiluk masauk ra tana' tungkuson ondo' ayanin.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

1 SAMUIL 18:7

Liliwa' nansasayau ruandu'-ruandu' narimbai koson ragitio, “Raja' Saul namatoi ra riribu ngaulun pantula', kaa' i Daut namatoi ra opor-opor ngaribu ngaulun pantula'.”

1 SAMUIL 2:8

Io mangkayang ra ulun musikin intor ra kaimbalaan, am Io mapalabus ra ulun asabin intor ra kaimbalaan. Ilo pasaukon ra rangan ru ulun mangaatang ondo' makapangkat, am aniin ra intok maatang kaga'. Lonor ru tana' ti longgom ru Tuhan, giu' ra ralimbou ru lonor no, tinirong no tana' ti.

1 SAMUIL 25:28

Ampuno' noyo kasalaan kutu. Maaru' Tuhan no mapasauk rirun am papag muno raja' ru Israil, sabap ra nangayou kou ra tayar ru Tuhan; kalo mambaal kou ra atan pana kalaatan ra buoi ru bayag muno.