MAZMUR 74:8 - Tanou Moonsoi Timugon

⁸ Gumogot ilo mamuso toojo ramon; ngaangai' intok sambayangan ra pagun ti sinuruan nilo.

MAZMUR 74:8 ပူးပေါင်းရင်းမြစ်များ

2 RAJA'-RAJA' 2:3

Santimungan ru nabi ondo' minayan giu' ra Bitil mininggaar ri Ilisa am pangkuot riso, “Nakapandai kono kia ra Tuhan no mangalap ra tuan muno intor rirun ra orou raiti'?” Taam i Ilisa, “Nakapandai aku, kaa' pai' takano raguo' baal raginio.”

2 RAJA'-RAJA' 2:5

Santimungan ru nabi ondo' minayan giu' ra Jiriko mininggaar ri Ilisa am pangkuot riso, “Nakapandai kono kia ra Tuhan no mangalap ra tuan muno intor rirun ra orou raiti'?” Taam i Ilisa, “Nakapandai aku, kaa' pai' takano raguo' baal raginio.”

2 RAJA'-RAJA' 4:23

Pangkuot ralaki nano, “Kua kia musiti' mongoi ra orou raiti'? Orou raiti' sala' ka orou Sabat kapoam Pangiantakan ra Sila' Bagu.” Taam io, “Kalo pana.”

2 TUNUNG RU BANSA' ISRAIL 17:9

Inibit nilo kitab Ukum ru Tuhan, am nariput ra ngaangai' bandar ru Jiuda am nangila' ra mamagun ra giu' no.

MAZMUR 137:7

Karaa' noyo, iou Tuhan, atan ondo' binaal ru ulun ru Idom, bulintok ra Jirusalim pusoon. Karaa' noyo ati kulaan ra ilo mindagu, “Gabaa' min Jirusalim saboi makuliagai toojo!”

MAZMUR 83:4

Mampaguang ilo ra mangalaat manggal ra ulun Muno; maguguum ilo manggal ra ulun ondo' sindungin Muno.

MAZMUR 83:5

Konilo, “Pusoo' takau bansa' nilono, maa' raginio lilianin Israil ra sabuoi-buoi no!”

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.