MAZMUR 74:15 - Tanou Moonsoi Timugon

¹⁵ Baalon Mu taur am sungoi tumilis; kinapua' Mu sungoi ra mangaayo.

MAZMUR 74:15 ပူးပေါင်းရင်းမြစ်များ

2 RAJA'-RAJA' 2:14

Lambaa' no timug ru sungoi no ra sukub ri Ilia, am indagu, “Ati nua' Tuhan, i Aki Kapuuno' ri Ilia?” Kopongo raginio lambaa' no poyo timug ru sungoi no, am kapiruo timug no, ugar boo i Ilisa laup ra sungoi no.

2 RAJA'-RAJA' 2:8

Kopongo raginio aluso' ri Ilia sukub nano, ruluno' no, am palambaa' ra timug ru sungoi no. Kalapak timug ru sungoi no napiruo saboi i Ilia am i Ilisa nakalaup ra sungoi minugar ra lonor ondo' mapua'.

MAZMUR 105:41

Bulur batu linapak No, am timug tumampusis mingkual, am tumuluk koson ra sungoi giu' ra tana' kaagisan.

MAZMUR 114:3

Raat Galaga magilong am pagiru', Sungoi Jordan liminonggo' tumilis.

MAZMUR 78:15

Linapak No bulur batu giu' ra tana' kaagisan, am painumon No ilo ra timug intor ra lumuab-luab.

JISAYA 11:16

Ulun Nano ra ondo' lakat poyo naayag, mokoondo' ralan maayo mingkual intor ra Asyur, koson ra kinamatuaan ru ulun ru Israil miningkual intor ra Misir.

JISAYA 44:27

Ralalom ru panusuban Kuno, raat masauk malasakan.

JISAYA 48:21

Bulintok ra Tuhan maningganai ra ulun Nano mugar ra tana' kaagisan, kalo paason ilo. Paingkualon No timug intor ra bulur batu no risilo; lapakon No bulur batu, am timug pana tumampusis.

ABAKUK 3:9

Nakatampos Kou noyo mamakai ra tanggayan ru panah Muno, nakatampos koson mampalabus ra anak panah Muno. Tana' ti lumata' am sungoi tumilis.

UNTABAN 20:11

Kakato' boo ri Musa jujuga' no am palambaa' induo ra bulur batu no. Miningkual timug bubuluak saboi ngaangai' ulun am bibiag tinambiag nilono nakainum.

JOSUA 2:10

Nokorongog akai ra kinapua' ru Tuhan Raat Galaga giu' ra saang min paat akau nangiruan ra Misir. Nokorongog akai niayuk ra namatoi kau ra Raja' Sigon am Raja' Og, ruo ngaulun raja' ru bansa' ru Amori tampilon ra sirangon ru Sungoi Jordan.

PINAINTALANG 16:12

Pasasaro' boo ru malaikat koonom no suang ru sangkir nano ra sungoi Iprat ondo' maayo no. Ginio ra sungoi no liminasak saboi nasauk ra intok pansailan ru raja'-raja' ondo' intor ra sirangon no.