MAZMUR 74:13 - Tanou Moonsoi Timugon

¹³ Ralalom kaikangan Muno raat no linapak Mu am mamabak ra ulu ru ilo ondo' maayag ru raat.

MAZMUR 74:13 ပူးပေါင်းရင်းမြစ်များ

KAINGKUALAN 14:21

Patutuyo' ri Musa kalindu' nano rasawat ru raat, am mangkinibit Tuhan ra angin sirangon sumiob ra mapuor saboi lumugut timug ru raat. Nagangin buoi ru rondom am nangulau ra raat nasauk ra tana' mapua'. Nalapak timug ru raat,

MAZMUR 78:13

Linapak No raat am naningganai risilo lumaup; sinauk No timug no koson ra timbok.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 32:2

“Okou ulun mapandai matoi, anii' ra pampakaraan moporos ra raja' ru Misir. Posoboyo' ragu Kuno riso, ‘Giu' ra saang ru bansa'-bansa' ra bokon ilai' kou ayuk koson ra singa', kaa' baal muno koson poyo ra buayo ondo' minabol giu' ralalom ru sungoi. Kalayam muno nampalutok am nampajamol ra sungoi-sungoi.

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

NIGIMIA 9:11

Linapak Mu raat koson nambaal ra ralan ru ulun Muno mongoi ra sandaup, nangator Kou risilo ra sandaup nansail ra lonor ru raat ondo' mapua'. Ulun ondo' nangilou risilo nolosor giu' ra raat ondo' malandom, koson ilo ra batu ondo' liminosor giu' ra raat ondo' makalalaa'.

KAINGKUALAN 14:28

Saguli' timug no am napalinjob ra ngaangai' kurita' kuda am mapaugar no, am niayuk ngaangai' saujor ru Misir ondo' nangilou ra ulun ru Israil ra tanga' ru raat; kolondo' sangulun pana naayag.