MAZMUR 74:1 - Tanou Moonsoi Timugon

¹ Sisindiron ri Asap. Kua tatango' Mu akai koson ragitio, iou Aki Kapuuno'? Sabuoi-buoi no kia Okou sumangit ra ulun Muno?

MAZMUR 74:1 ပူးပေါင်းရင်းမြစ်များ

2 RAJA'-RAJA' 21:14

Iruanin Ku ilo ondo' lakat poyo naayag am pataakin ilo ra pantula'. Kalaan ilo ru pantula' am manalingaau ra pagun nilo.

MAZMUR 10:1

Bakua Rirun maalur guat, iou Tuhan, am mansibuni paat ra akai makakapaganan?

MAZMUR 100:3

Iowo' noyo ra Tuhan no i Aki Kapuuno'. Io namangun ritakau, am itakau longgom Nano; itakau ulun Nano, bansa' ra inalungan Nano.

MAZMUR 18:8

Tana' ti pana mogonggon am mauyog; puun ru gunung mauyog am monontol, sabap ra sumangit i Aki Kapuuno'.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 42:9

Gama' ru mapakito Tuhan ra togom Nano bulintok matawang; maa' raginio mokopongompor aku Riso bulintok rondom, am makiasi' ri Aki Kapuuno', puun ru kaayagan kuno.

MAZMUR 44:9

Kalo langgain mai mongompor Rirun am maringkuanang Rirun ra sabuoi-buoi no.

MAZMUR 50:1

Mazmur ri Asap. Tuhan, i Aki Kapuuno' Ondo' Maayo Kaga' Kuasa' no mindagu; nampiau Io ra titikop ru tana' ti intor ra sirangon suku' ra kalasaan.

MAZMUR 60:1

Ra tingganai ru santimungan maririmbai. Sumugut ra rimbai: Bunga' Bakung noyo sasi'. Mazmur ru Raja' Daut,

MAZMUR 60:10

Kaa' i Moab intok pambaguan Kuno ayuk; pobobolon Ku kasut Kuno ri Idom, koson tatandu' ra i Idom longgom Kuno. Makapangkara' kia ulun ru Palistin ra magilakup ilo sabap ra nangala Raki'?”

MAZMUR 77:7

Masuaban aku mangkara'; mikukuot aku ralalom ru guang,

MAZMUR 77:8

“Sabuoi-buoi no kia i Aki Kapuuno' mangimpai ritakau? Kalo kia boo masaga' Io ritakau?

MAZMUR 78:1

Sisindiron ri Asap. Rongogo' min pangilaan kuno, akau ulun ku ngai', am talinaasi' min raguon kuno.

MAZMUR 79:13

Akai pana, ulun Muno, domba-domba Muno, maringkuanang akai Rirun ra sabuoi-buoi no, am mongompor Rirun saboi mansasayat.

MAZMUR 79:5

Iou Tuhan, kula' buoi Muno sumangit ramon? Sangit Muno sumolob kia koson ra apui?

MAZMUR 80:5

Iou Tuhan i Aki Kapuuno' Ondo' Maayo Kaga' Kuasa', saboi sanggilan Okou sumangit am kalo mangkirongog ra pakiasian ru ulun Muno?

MAZMUR 85:6

Sabuoi-buoi kia Okou sumangit ramon? Kalo kia mapandai malulu' sangit Muno?

MAZMUR 95:7

Iono i Aki Kapuuno' takau; itakau noyo ulun ra inalungan Nano, koson ra santimungan domba ondo' inalungan Nano. Orou ra raiti' rongogo' noyo ragu Nano,

KAINGKUALAN 32:11

Kaa' pakimasi' i Musa ra Tuhan i Aki Kapuuno' nano am indagu, “Tuhan, kua kia sangit Kou kaga' ra ulun Muno ondo' pinalabus Muno intor ra Misir ralalom ru kuasa' am kaikangan ra maayo?

JISAYA 64:8

Kaa' Okou noyo Ama' mai iou Tuhan. Akai ti koson ra tana' bandulan, am Okou koson ra ulun manukang ra paliuk. Okou noyo namangun ramon.

JIRIMIA 23:1

Mapara' boo makalalaa' ukuman ru Tuhan risilo panguasa' ondo' namuso am nampatutuliar ra ulun Nano!

JIRIMIA 31:37

Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

SULABOI 5:22

Lingonon Mu kia patiri' akai? Kolondo' kia polos ru sangit Muno ramon?

YEHEZKIEL 34:31

Totopot akau no sampanon ru domba ondo' pinakan Kuno. Akau noyo ulun Kuno am Aku noyo i Aki Kapuuno' min.” Ginio noyo ragu ru Tuhan Raja'.

YEHEZKIEL 34:8

Sabap ra Aku, i Aki Kapuuno' ondo' maayag, rongogo' ragu Kuno. Domba-domba Kuno sinaam am pinatoi, am niayuk inakan ru bibiag masigo sabap ra kolondo' magagalung ondo' magalung ra domba-domba no. Akau magagalung Ku kalo mirot maguyum ra domba-domba no. Alungin min kaatangan galama', sala' ka kaatangan ru domba-domba Kuno.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.