MAZMUR 73:24 - Tanou Moonsoi Timugon

²⁴ Mangila' Kou raki' ralalom ru bilin, am apuon Mu aku ra urumat.

MAZMUR 73:24 ပူးပေါင်းရင်းမြစ်များ

MAZMUR 16:7

Mongompor aku ra Tuhan sabap ra mangindangan raki', bulintok molondom bolos ru guang kuno mangila' raki'.

MAZMUR 25:9

Tuluin No ulun ondo' minggana' guang no ra ralan motopot, am mangila' risilo ra kasagaan Nano.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

MAZMUR 48:14

imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

MAZMUR 49:15

Koson ra domba, ilo inaru' ra potoyon, kapatayan no magagalung risilo. Ulun mabanis guang mampaala risilo, baangkai nilo mataki' mapasa'; pagun ru ulun minatoi masauk ra intok nilo.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 8:20

Mugar aku ra ralan kabanisan ru guang, am maya' ra ralan katimpakan.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 48:17

Ragu ri Aki Kapuuno' ru Israil, i Aki Kapuuno' ondo' matulai, Tuhan Mamamayag ramuyun, “Aku noyo Tuhan, i Aki Kapuuno' mino, mangila' Aku ra atan ondo' moonsoi ramuyun, maningganai Aku ramuyun ra ralan ondo' sotopot bayain min.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JISAYA 58:8

Sinda pana sumila' rirun koson ra susuab ti, am pipilat muno mapali' mataki'. Masalok Aku mabaya' ramuyun koson mamayag ramuyun. Ratangan Kuno manindung ramuyun intor ra nansalinut linsuk.

UNTABAN 9:22

Amon ru soroi gaun no giu' ra rasawat ru Kim ru Tuhan buoi ruo ngoorou, sansila', sambilor, kapoam mabuoi poyo intor raginio, buoi raginio noyo ilo mayan ra intok raginio. Kaa' paat ra minsawat gaun no, mugar ilo.

LUKAS 11:13

Kula' pana laat mino, mapandai kau mangani' ra moonsoi ra anak mino. Mulu' poyo i Ama' giu' ra suruga'! Io pana mangani' ra Ambiluo Nano risilo ondo' makitaak Riso!”

LUKAS 23:46

Golok i Jisus ra mosongou, “Ama', pataakin Ku painawo Kutu Rirun!” Kopongo Io minindagu raginio, patoi Io no.

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

JUANIS 17:24

“Ama', masaga' Aku ilo ondo' pinataak Muli Raki', mabaya' Raki' ra ati ayuk intok Kuno. Maa' raginio makatutun ilo ra Okou mampatulai Raki', sabap ra motogom Kou no Raki' ra tana' ti kalo poyo biningkal.

JUANIS 17:5

Ama', raino ti katulayo' Aku noyo, mogondo' ra katulayan Tali paat ra tana' ti kalo poyo biningkal.

RINALATAN 7:59

Paat ilo nomomobol i, pakiasi' i Stipanus, kono, “Tuhan Jisus, apuo' noyo ambiluo kutu!”

2 KORINTUS 5:1

Makapandai akai ra amon ru inayanan takau ra tana' ti pusoon boo, ioginio inan takau, makaayanan takau niayuk ra suruga'. Am ayanan raginio mantilayun ondo' binaal ri Aki Kapuuno' galama' am sala' ka ulun.

SAGULION 18:2

Ondo' apuon nilono iono tungkuson nilo, koson ondo' binantu' noyo ru Tuhan. Ginio sabap ra kalo makaalap ilo ra tana' koson ra bansa'-bansa' ra bokon no.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.