MAZMUR 73:23 - Tanou Moonsoi Timugon

²³ Kaa' lakat aku po soroi mumbir Rirun, am guuton Mu kalindu' pamiris kuno.

MAZMUR 73:23 ပူးပေါင်းရင်းမြစ်များ

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

MAZMUR 139:18

Amon ru inuntob, masuang poyo ka agis. Bulintok ra aku sumukal, lakat aku po mabaya' Rirun.

MAZMUR 16:8

Malimanan ku ra Tuhan matong; soroi Kou minggaar raki', kolondo' rondo' pana makauyog raki'.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

MAZMUR 37:17

sabap ra pandakon ru Tuhan kuasa' ru ulun malaat am manindung ra ulun moonsoi.

MAZMUR 37:24

Amon maratu' ulun no, kalo majamaran io, sabap ra Tuhan mangitang ra longon nano.

MAZMUR 63:8

sabap ra masalok Kou mangindangan raki'; maansukan aku marimbai ra saau ru kawo Muno.

JISAYA 41:10

Pai' kalaa' sabap ra Aku minaya' ramuyun. Pai' pagalabo sabap Aku i Aki Kapuuno' min. Paikangon am indanganon Takamin; sindungin am bayagon Takamin.

JISAYA 41:13

Aku noyo Tuhan, i Aki Kapuuno' min; ikangon Takamin ra ragu, ‘Pai' kalaa', indanganon Takamin.’ ”

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

MATIUS 1:23

“Maapang ralaa ti am maganak io ra sangulun anak ungkuyon am inggalanin anak ti ri Imanuil.” (Sumugut ra ragu ru ulun ru Ibrani, Imanuil arati' no, “I Aki Kapuuno' mabaya' ritakau.”)

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”