MAZMUR 73:1 - Tanou Moonsoi Timugon

¹ Mazmur ri Asap. Moonsoi toojo i Aki Kapuuno' ra ulun ru Israil, ilo ondo' makaguang mabanis.

MAZMUR 73:1 ပူးပေါင်းရင်းမြစ်များ

1 TUNUNG RU BANSA' ISRAIL 15:17

Intor ra bansa'-bansa' ru maririmbai, nampili' ilo ra ulun ragitilo koson mangkuli ra simbal tambaga' masilou: I Giman anak ri Joil, pabukat nano ondo' ininggalanan ri Asap anak ri Birikia, am niayuk i Itan anak ri Kusaya intor ra bansa' ru Mirari. Koson mamaya' risilo am niayuk mangkuli ra jitor ondo' mokobolos ra masawat, ulun ru Liwi ragitilo pinili': I Jakaria, Jaajiil, Simiramot, Jiwil, Uni, Iliab, Maasiya am Binaya. Koson mangkuli ra jitor ondo' mokobolos ra magana', ulun ru Liwi ragitilo pinili': I Matisa, Ilipili, Mikniya, Ajajya am Obid-Idom am Jiyil, ruo ngaulun ondo' nagalung ra intok ru Kaban Nabantuan.

1 TUNUNG RU BANSA' ISRAIL 16:37

Raja' Daut nampalantik ri Asap am gino ngai' ru ulun nano maa' raginio mangandoi ilo ayuk ralalom ru panalingapuan ra baal-baal ondo' makakulawit ra sambayang giu' ra intok napabantaan ra Kaban Nabantuan ru Tuhan. Moonong orou musiti' ilo mangandoi ra giu' no,

1 TUNUNG RU BANSA' ISRAIL 16:7

Ginio noyo ondo' kainsaa' ru Raja' Daut nanusub ri Asap am rangan-rangan nano ra gino ngai' ulun ru Liwi koson marimbai ra rimbai pangamparan ra Tuhan.

1 TUNUNG RU BANSA' ISRAIL 6:39

I Asap noyo tingganai ru pulalai maririmbai ondo' karuo. Suang ru papag nano ondo' intor ra puun polos ra untu, iono polos ri Liwi: Asap, Birikia, Simia,

2 TUNUNG RU BANSA' ISRAIL 29:30

Raja' am tingganai-tingganai ru bansa' nanusub ra ulun-ulun ru Liwi marimbai ra rimbai pangamparan ra Tuhan, rimbai ondo' sinulabit ru Raja' Daut am Nabi Asap. Ngaangai' boo ru ulun narimbai ra naansukan liliwa' migulatur am samba ri Aki Kapuuno'.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 24:4

Ulun ondo' mabanis pampaguangan am moonsoi pangkaraan, ondo' kalo sumamba ra sinungkalalaing, kapoam mambaal ra bantu' ra magabau.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 50:1

Mazmur ri Asap. Tuhan, i Aki Kapuuno' Ondo' Maayo Kaga' Kuasa' no mindagu; nampiau Io ra titikop ru tana' ti intor ra sirangon suku' ra kalasaan.

MAZMUR 51:10

Polosoo' aku mangkirongog ra bolos kasagaan am kaansukan, maa' raginio guang kuno ra tutukon am umokon Muno, maansukan saguli'.

MAZMUR 73:18

Patampakon Mu ilo ra intok ondo' malamog ondo' mangkinibit risilo maratu' am mapuso.

MAZMUR 83:1

Mazmur ri Asap. Rondo' rimbai.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

MATIUS 5:8

Pakaansuk noyo ulun ondo' mapasau guang, sabap ra makakito ilo ri Aki Kapuuno'.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

TITUS 3:5

namayag Io ritakau. Ginio pai' ru intor ra binaal takau ra moonsoi, kaa' intor ra asi' Nano galama'. Mamayag i Aki Kapuuno' ritakau mansail ra Ambiluo Nano, bagu inanak takau saguli' am inanian No itakau ra kaayagan bagu mansail ra pampariwan.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!