MAZMUR 72:15 - Tanou Moonsoi Timugon

¹⁵ Kaayag noyo raja'! Gama' ru paapuon raja' no ra mas intor ra pagun Syiba; gama' ru pakiasian koson riso mantilayun ayuk; gama' ru barakaton raja' no ri Aki Kapuuno' ra sabuoi-buoi no!

MAZMUR 72:15 ပူးပေါင်းရင်းမြစ်များ

1 RAJA'-RAJA' 10:10

Raja' ruandu' ru pagun ru Syiba nampataak ra tangguang-tangguang ondo' inibit nano ra Raja' Salomo, iono mas nasailan 4,000 ngakilogram, apa' pampagamis ra akanon am niayuk batu parmata ondo' masuang kaga'. Tutuu' pampagamis ra akanon ondo' pinataak ru raja' ruandu' no ra Raja' Salomo iono ondo' masuang kaga' ondo' igondo' naapu ru Raja' Salomo. (

1 RAJA'-RAJA' 10:14

Suai ra cukai ondo' pabayaron ru ulun-ulun mantatalan, kalabaan intor ra pantatalanan, cukai ondo' pabayaron ru raja'-raja' ru Arab am gabenor-gabenor ru pagun ru Israil, mangapu Raja' Salomo ra mas maar 23,000 ngakilogram ra moonong bilor.

2 TUNUNG RU BANSA' ISRAIL 9:1

Raja' ruandu' ru pagun Syiba nokorongog intor ra inggalan maayo ru Raja' Salomo. Raja' ruandu' no pana minongoi ra Jirusalim koson mangkinam ra Raja' Salomo ra pangkuatan-pangkuatan ondo' mapagon. Raja' ruandu' no minatong nababaya' ra masuang namaya', am niayuk unta-unta pinagibit ra apa' pampagamis ra akanon, intan am mas ondo' masuang kaga'. Paat ra raja' ruandu' no nakauma' ra Raja' Salomo, raja' ruandu' no nangkuot ra masuang pangkuatan ondo' makara' nano.

MAZMUR 21:4

Minatong Kou riso am napataak Kou ra barakat ondo' mauli', am pinasampak Mu karaun mas ra ulu nano.

MAZMUR 45:4

Pooboto' ilang ra awak muno, okou raja' mapanggol, okou no raja' ra totopot uramaton am maatang kaga'!

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

JISAYA 60:6

Kafilah-kafilah matong intor ra Midian am Ipa. Matong ilo intor ra Syiba am magibit ilo ra mas am kaminyan. Potonowon nilo baal ra moonsoi ondo' binaal ru Tuhan!

MATIUS 2:11

Umpos ilo ra baloi i am pagilong ra Anak no am ina' Nano i Maria. Igulatur ilo am samba ra Anak no. Ilo pana nangukab boo ra kaban ru rapu' nilono am patalango' ra Anak no ioginio; mas, kaminyan am mur, am pinataak ngaangai' taak no Riso.

MATIUS 21:9

Ulun masuang ondo' minugar siminigulu am timinauli ri Jisus i, tumalimpuun ilo mompogolok, “Omporo' Anak ru raja' Daut! Kabarakat noyo Io ondo' minatong ralalom inggalan ru Tuhan. Omporo' noyo i Aki Kapuuno' Ondo' Masawat Kaga'!”

MATIUS 6:10

Gama' ru Okou mamarinta saboi kasagaan Muno saukon ra tana' ti mogondo' giu' ra suruga'.

JUANIS 11:25

Indagu i Jisus, “Aku noyo mampakaayag ra ulun minatoi am manaak ra kaayagan. Osoi ayuk mangintopot Raki', kabalu' pana matoi ulun no, maayag Io saguli'.

JUANIS 14:19

Sangkinolor poyo am ulun ru tana' ti kalo boo makakito Raki', kaa' makakito kau Raki'; am sabap ra Aku ti maayag, akau pana maayag.

JUANIS 5:23

Ginio sinauk No koson ngaangai' ulun mangurumat ra Anak nogondo' ra ilo mangurumat ra Ama'. Osoi ayuk kalo mangurumat ra Anak, kalo niayuk mangurumat ra Ama' ondo' nanusub Riso.

PILIPI 2:11

Am ngaangai' nilo pana mangiou ra i Jisus Kristus noyo Tuhan; Intor raginio katulayon boo i Aki Kapuuno', Ama' takau.

1 TISALONIKA 3:11

Gama' ru i Aki Kapuuno' galama', Ama' takau, am Tuhan takau i Jisus mangani' ra kaluagan koson makapantuum poyo saguli' ramuyun.

2 TIMOTIUS 4:22

Gama' ru Tuhan mabaya' rirun. Gama' ru i Aki Kapuuno' mambarakat ramuyun ngaangai'.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

1 JUANIS 1:2

Paat ra kaayagan no pinabala', nakakito akai Riso. Ginio nai ra akai mantunung ra ondo' nakito mai intor Riso, koson ra kaayagan mantilayun ondo' soroi nabaya' ri Ama', am ondo' pinabala' ramon.

JUDAS 1:25

Io no i Aki Kapuuno' ondo' namayag ritakau, ralalom inggalan ri Jisus Kristus, Tuhan takau. Io no rorondo' ayuk i Aki Kapuuno', Io no matulai, maatang kaga' am Io no mangnguasa' ra ngaangai' no, intor ra puun i, paat ra raino am suku' ra sabuoi-buoi no. Amin.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.