MAZMUR 72:14 - Tanou Moonsoi Timugon

¹⁴ Raja' mamayag risilo intor ra pangimbalaan am pampatayan; kaayagan nilo mokologo toojo riso.

MAZMUR 72:14 ပူးပေါင်းရင်းမြစ်များ

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

2 SAMUIL 23:17

Kon ru Raja' Daut, “Iou Tuhan, kalo mainum ku timug ti. Amon ru inumon ku, koson ayuk ra manginum aku ra raraa' ru talu ngaulun ondo' nangkinuo ra painawo nilo!” Totopot marara' Raja' Daut manginum ra timug no. Koon raginio noyo kinabaani ru talu ngaulun saujor ondo' mauligan kaga' no.

2 SAMUIL 4:9

Kaa' taam Raja' Daut, “Tuhan ondo' maayag, ondo' namayag raki' intor ra ngaangai' baal makalalaa', nakapandai ra ondo' raguon kutu motopot.

MAZMUR 116:15

Mangiluk kaga' guang ru Tuhan bulintok ra ulun ondo' gumagaya' Riso no matoi.

MAZMUR 130:8

Mamayag Io ra ulun ru Israil intor ra nansalinut tula nilo.

MAZMUR 25:22

Iou Aki Kapuuno', bayago' noyo ulun Muno, Israil, intor ra nansalinut kapaganan nilono.

MAZMUR 69:18

Pai' noyo pansibuni intor ra ulipon Mutu; makakapaganan aku toojo – ribaki' noyo indangano' aku!

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

PINAINTALANG 17:6

Kakito ku boo ruandu' no nagauk ra raraa' ru ulun ri Aki Kapuuno' am raraa' ru ulun ondo' pinatoi sabap ra giminagaya' ri Jisus. Paat nakito ku ruandu' no, nangimuag aku kakaga'.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”

1 SAMUIL 26:21

Taam Raja' Saul, “Sotopot no makatula noyo aku ti. Saguli' no, alii ri Daut anak kuno! Kalo boo lumaat aku rirun. Rondom i pinoloso mu aku naayag. Sasambungon aku kaga'! Binaal kuti jajajou kaga'!”