MAZMUR 72:12 - Tanou Moonsoi Timugon

¹² Raja' mamayag ra ulun musikin ondo' mampiau riso, am niayuk ulun ra inimpayan am ulun makakapaganan.

MAZMUR 72:12 ပူးပေါင်းရင်းမြစ်များ

2 SAMUIL 14:16

Mangkara' aku ra mangkirongog kou am mamayag raki' intor ra ulun ondo' mirot mamatoi raki' am anak kuno. Kuayan nilo manginggi' ramon intor ra tana' ondo' tinaakan ri Aki Kapuuno' ra ulun Nano.

AYUP 29:12

Ra ulun musikin, inindangan ku; ra lalaing nailusan ra matuo ondo' kolondo' intok lansanan, inindangan ku.

AYUP 36:15

Kaa' mangila' i Aki Kapuuno' ra ulun pabayaan ralalom ru kaimbalaan am mampaliman risilo pabayaan ralalom ru kapaganan.

MAZMUR 10:17

Tuhan, iowo' noyo pakiasian ru ulun kolondo' onong; am paikango' noyo guang nilono.

MAZMUR 102:17

Amon Sion no baalon saguli' ru Tuhan, pabalaan No katulayan Nano.

MAZMUR 102:20

Manginduku' Tuhan ra ragana' intor ra intok Nano ra matulai, pulolowon No tana' ti intor ra suruga',

MAZMUR 55:17

Kaa' mampiau aku ra Tuhan i Aki Kapuuno' koson mangindangan raki', am bayagon No aku.

MAZMUR 72:4

Gama' ru manungka' raja' ra ulun musikin, mangindangan ra ulun musikin am niayuk mangala ra ulun mangimbolo' risilo.

AMSAL 29:7

Ulun moonsoi makapandai ra pagapuan ru ulun musikin, kaa' ulun malaat kalo makarati' ra baal koson raginio.

MAMPATANOU 4:1

Kopongo raginio nakakito aku poyo ra ngaangai' kolondo' katimpakan ondo' masauk ra tana' ti. Ulun ondo' naimbolo' mantangi' am kolondo' sangulun pana mangindangan risilo. Kolondo' sangulun pana makakau' mangindangan risilo sabap ra ulun-ulun mangimbolo' no makakuasa'.

JISAYA 41:17

Bulintok ra ulun Kuno ra naimbolo' no maguyum ra timug, bulintok ra liog nilono napuaan sabap ra pinaason, Aku, Tuhan mangiou ra pakiasian nilono; Aku, i Aki Kapuuno' ru Israil, kalo igogondo' manatang risilo.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

LUKAS 7:22

Taam i Jisus, “Saguli' kau ri Juanis am pambala' kau ra atan ondo' nakito am norongog min. Ulun bolou makakito, ulun kalo makalulu' makaugar, ulun makamaruol ra kungkung ondo' maaja' mababas, ulun barat makaining, ulun matoi maayag saguli' am Tanou Moonsoi intor ri Aki Kapuuno' pinabala' noyo ra ulun musikin.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

1 SAMUIL 22:2

Ngaangai' ulun ondo' naimbolo', kapoam ondo' makautang, kapoam ondo' manguang, niayuk minamung ri Daut, am nasauk i Daut ra tingganai nilo. Suang ru mamaya' ri Daut no olo'-olo' apat ngaatus ngaulun.