MAZMUR 72:11 - Tanou Moonsoi Timugon

¹¹ Ngaangai' raja' migulatur samba ra saang nano, am ngaangai' bansa' sumauk ra ulipon nano.

MAZMUR 72:11 ပူးပေါင်းရင်းမြစ်များ

MAZMUR 86:9

Ngaangai' ru bansa' ra inangun Muno rumatong, iou Tuhan, mongoi ilo samba Rirun am mongompor ra katulayan Muno.

JISAYA 11:9

Giu' ra Sion, Bulur Matulai ri Aki Kapuuno', kolondo' atan-atan pana malaat kapoam makalalaa'. Tana' ti mapanu' ra ulun ondo' makaulig am mangurumat ra Tuhan koson ra raat nototop ra timug.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

MIKA 7:17

Mundus ilo koson ra kukuo ra rasawat ru kaau. Mingkual ilo intor ra kubu nilo am monontol, am mabaya' ra laa' matong ilo Rirun, Tuhan, i Aki Kapuuno' mai.

UNTABAN 24:7

Makaalap ilo ra timug ru rasam ra luluab, am mantanom ra sampug giu' ra umo ondo' maukop ra timug. Raja' nilono maayo poyo intor ra Raja' Agag, am pamarintaan nano kalangkaan.

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”

PINAINTALANG 21:24

Bansa'-bansa' ra tana' ti mangkiralan ralalom sinda nano am raja'-raja' ru tana' ti pana ibiton nilo kalangkayaan nilono ra bandar no.

PINAINTALANG 21:26

Kalangkayaan am urumat ru bansa'-bansa' ibiton ra bandar no.