MAZMUR 71:9 - Tanou Moonsoi Timugon

⁹ Pai' aku impayi' raino sabap ra matutuo aku noyo; pai' aku tatango' raino sabap ra malawo aku.

MAZMUR 71:9 ပူးပေါင်းရင်းမြစ်များ

2 SAMUIL 19:35

Balu' ngoopor ngambilor aku noyo am kolondo' boo mangani' ra kasagaan raki'. Kalo boo makasia' aku ra atan ondo' akanon kapoam inumon kuno, am kalo boo mokorongog ra bolos ru ulun marimbai. Aku ti masauk ayuk ra kapaganan rirun.

MAZMUR 71:18

Raino matutuo aku no am uanon aku no, pai' aku tatango', iou Aki Kapuuno'. Bayaa' aku bulintok ra aku mapatanou ra kuasa' am katulayan Muno ra ngaangai' papag ra matong ti.

MAZMUR 73:26

Iou pana salibuor kuno malawo, Okou noyo kaikangan kuno, iou Aki Kapuuno'; Okou ayuk longgom kuno ra sabuoi-buoi no.

MAZMUR 90:10

Umur mai tulu' ngoopor ngambilor ayuk, amon ru maikang makasuku' balu' ngoopor; kaa' pagalabaan am kapaganan ayuk malimanan mai; kaayagan mataki' mapupus am akai pana lumiot.

JISAYA 46:4

Aku magulayun i Aki Kapuuno' min saboi akau matutuo; am magulayun magalung ramuyun saboi akau makauan. Aku napasauk ramuyun am magulayun magalung ramuyun, indanganon am bayagon Takamin.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.