MAZMUR 71:21 - Tanou Moonsoi Timugon

²¹ Saukon Mu aku ra urumaton toojo; mangansuk Kou poyo raki' saguli'.

MAZMUR 71:21 ပူးပေါင်းရင်းမြစ်များ

2 SAMUIL 3:1

Pangayawan ru ulun minaya' ra sasambaloi ru Raja' Saul am ulun minaya' ra sasambaloi ru Raja' Daut narayus nasauk ra nabuoi. Gumaai ikang ru Raja' Daut, kaa' gumaai lawo ru pantula' nano.

MAZMUR 86:17

Iou Tuhan, paintalango' kinoonsoi Muno raki', am ulun ondo' masisang raki' maringkauyu', magilong bulintok ra Okou mapabansuk am mangindangan raki'.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

MAZMUR 32:10

Ulun malaat makatuum ra kapaganan, kaa' ulun ondo' lumansan ra Tuhan sindungin ru togom Nano.

MAZMUR 18:35

Mangubas Io raki' koson mangayou, maa' raginio makabakur ku tanggayan ru panah ra mapakil kaga' no.

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 9:7

Tuhan mamparatu' ra ukuman ra pamarintaan ru Israil, ioginio papag ri Jakub.

MAZMUR 72:11

Ngaangai' raja' migulatur samba ra saang nano, am ngaangai' bansa' sumauk ra ulipon nano.

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

1 TISALONIKA 3:9

Raino maringkuanang akai toojo ra saang ri Aki Kapuuno' sabap ra kaansukan ru guang maiti ramuyun.

2 KORINTUS 7:13

Ginio noyo nampaikang ra guang mai. Am suai poyo raginio, pinaikang niayuk guang mai sabap ra kinabansuk ri Titus. Guang no pinaikang min ngaangai'.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.