MAZMUR 71:20 - Tanou Moonsoi Timugon

²⁰ Kapaganan kapoam imbolo' porotongon Mu raki', kaa' pasagulion Mu ikang kuno; painggaluron Mu aku intor ra lobong.

MAZMUR 71:20 ပူးပေါင်းရင်းမြစ်များ

2 SAMUIL 12:11

Magibot Aku ra mampalumpa' rirun ra kapaganan ondo' makinibitan ru gino ngai' akau sasambaloi. Alapon Ku andu'-andu' muno ra talupak ru mato muno galama', am pataakon ku ilo ra ulun bokon ondo' parumakon ilo ra makito-kito.

MAZMUR 119:25

Nakaraluui aku ra kaau; patapulio' noyo bayag kuno sumugut ra bantu' Muno.

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

MAZMUR 60:3

Iou Aki Kapuuno', inimpayan Mu akai am kinala Mu akai; siminangit Kou kaga' ramon, kaa' raino saguli' no ramon!

MAZMUR 60:5

Okou nangkinibit ra ulun Muno naimbolo' toojo, suku' akai kakasumpil koson ra nagauk.

MAZMUR 80:18

Sindungi' am alungi' noyo ulun ondo' pinili' Muno, bansa' ra sinauk Muno maikang toojo.

MAZMUR 85:6

Sabuoi-buoi kia Okou sumangit ramon? Kalo kia mapandai malulu' sangit Muno?

MAZMUR 86:13

Mapara' gayo ru togom Muno raki'; pinalabus Mu aku intor ra luang ru lobong.

MAZMUR 95:4

Io namarinta ra titikop ru tana' ti, luang ru batu malandom kaga' am gunung ra masawat kaga'.

JISAYA 26:19

Ulun Muno ra minatoi maayag saguli'! Baangkai nilono tumirong saguli'. Ngaangai' ondo' linobong ra kalabangan, tumirong am marimbai ralalom kaansukan. Koson ra bolobou mamasa' ra tana', koson raginio niayuk ra Tuhan mamayag risilo ondo' nabuoi noyo minatoi.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JUNUS 2:6

Timinuun aku saboi ra lonor ru kabuluran, ra intok ondo' garabang kinunsi' suku' ra sabuoi-buoi no. Paat ra painawo kuno mamaar mutus intor ra inan kuno, mangkara' aku ra Tuhan, am mampiau aku Rirun. Okou, iou Tuhan, iningo' pakiasian kuno, giu' ra Baloi Muno ondo' matulai. Intor ra raat ondo' malandom, Okou mamayag raki', iou Tuhan, i Aki Kapuuno' kuno!

MARKUS 15:34

Nakapaat ra jam katalu ra iomamai', i Jisus giminolok ra mosongou kaga', “Iloi, Iloi, lama sabaktani?” ondo' arati' no, “I Aki Kapuuno' Kuno, i Aki Kapuuno' Kuno, kua iruani' Mu Aku?”

RINALATAN 2:24

Kaa' binayag Io saguli' ri Aki Kapuuno' intor ra kapatayan. Pinalabus Io ri Aki Kapuuno' intor ra kaimbalaan ru kapatayan, sabap ra kalo lair maaput Io ru kapatayan.

IPISUS 4:9

Arati' ru “nagaloi Io giu' ra rasawat kaga'”, ioginio, kasaa' no timinuun Io ra tana' ti, am nakasuku' Io poyo ra ragana' toojo.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

1 SAMUIL 2:6

Tuhan no mamatoi ra ulun, am Io niayuk mamayag risilo. Io mangator ra ulun mongoi ra intok ru ulun namagatoi, am Io niayuk magibit risilo saguli'.