MAZMUR 71:19 - Tanou Moonsoi Timugon

¹⁹ Kinoonsoi Muno, iou Aki Kapuuno' minujak saboi ra limbowon. Mangaayo binaal Muno; kolondo' mokogondo' Rirun!

MAZMUR 71:19 ပူးပေါင်းရင်းမြစ်များ

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 139:6

Malandom toojo napandayan Muno ra inan kuno; kalo makangkou ru pangkaraan kuno.

MAZMUR 35:10

Mabaya' ra sotopot-topot ru guang mindagu aku ra Tuhan, “Kolondo' gumondo' Rirun. Pinalabus Mu ulun lamumu' intor ra ulun maikang, ulun musikin am naimbolo' intor ra nangimbolo' risilo no.”

MAZMUR 36:7

Kinoonsoi Muno kalo mauyog koson ra gunung maayo, katimpakan Muno koson ra landom ru raat. Okou magalung ra ulun am bibiag.

MAZMUR 57:10

Iou Tuhan, maringkuanang aku Rirun intor ra ngaangai' bansa'. Omporon Tokou intor ra ngaangai' ulun.

MAZMUR 72:18

Omporo' noyo Tuhan, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

MAZMUR 86:8

Kolondo' tuhan koson Rirun, iou Tuhan, kolondo' makabaal koson ra binaal Muno.

KAINGKUALAN 15:11

Iou Tuhan, osoi kia intor ra tuhan-tuhan ondo' koson Rirun? Osoi kia ondo' koson Rirun, matulai kaga'? Osoi kia ondo' makapambaal ra kaimuagan am baal ra makaimuag koson ra binaal Muno?

AMSAL 15:24

Ulun mapintar maya' ra ralan magaloi mongoi ra kaayagan, sala' ka ralan tumuun ra kapatayan.

AMSAL 24:7

Ulun sasambungon kalo makarati' ra ragu-ragu mapintar. Kalo makaindagu ilo ra atan-atan bulintok ra baal-baal maatang sunuron.

JISAYA 40:18

Osoi kia maalap min pogondoo' ri Aki Kapuuno'? Osoi kia guangon min pogondoo' Riso?

JISAYA 40:25

Osoi kia maalap min pogondoo' ri Aki Kapuuno' Ondo' Matulai Kaga'? Mokoondo' kia mogondo' koson Riso?

JISAYA 5:16

Ginio noyo ra Tuhan Ondo' Maayo' Kaga Kuasa' mampakito ra katulayan Nano koson mambaal ra atan ondo' motopot, am niayuk mapatalang ra katulayan Nano koson mangakim ra ulun Nano.

JISAYA 55:9

Koson ra kinasawat ru limbowon intor ra tana', ginio niayuk kinasawat ru pangkaraan Kuno ka pangkaraan muno, am ralan Kuno ka ralan muno.

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

LUKAS 1:49

Mongompor aku ri Aki Kapuuno' Ondo' Maayo Kaga' Kuasa' sabap ra binaal Nano raki' baal ondo' maatang kaga'. Matulai inggalan Nano.

SAGULION 3:24

‘Iou Tuhan Raja', nakapandai aku ra atan ondo' nanuluan Muno raki' talimpuun ayuk ru baal maayo am makaimuag ondo' baalon Muno. Kolondo' tuhan ra bokon giu' ra limbowon kapoam giu' ra tana' ondo' makapambaal ra baal makaimuag ondo' binaal Muno.