MAZMUR 7:7 - Tanou Moonsoi Timugon

⁷ Luat no ralalom ru sangitan Muno, iou Tuhan, am anggalo' noyo pangayawan ru ngaangai' pantula' kuno! Luat no am indangano' aku no, sabap ra katimpakan noyo kitaakon Muno.

MAZMUR 7:7 ပူးပေါင်းရင်းမြစ်များ

MAZMUR 138:6

Kabalu' pana Okou no matulai kaga', ilain Mu niayuk ulun ondo' asasabin, am ulun malilimbau kalo mapandai mansibuni intor Rirun.

MAZMUR 35:23

Sukal no, iou Tuhan, saungo' aku no; luat no, iou Aki Kapuuno' kuno, am indangano' aku no.

MAZMUR 43:1

Iou Aki Kapuuno', paintalango' noyo ra aku kolondo' sala, sungkaa' aku tumingkuang ra bansa' ondo' nausung; painggaluro' aku intor ra ulun mangalaat am ulun maabau-abau.

MAZMUR 48:11

Inggalan Muno nakatanou am omporon ra titikop ru tana' ti, namarintaan Muno matimpok.

MAZMUR 59:5

sabap no ra sala' ka makasala aku, iou Tuhan, maringkaagou ilo tumampos mongoi pangayou.

MAZMUR 93:4

Kaa' Tuhan noyo maayo kaga' kuasa' ra suruga', matulai poyo ka kinulun ru raat, am maikang poyo ka kinulun ru raat.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 19:2

Motopot am mabanis pangukuman Nano. Nakapangukum Io no ra ruandu' mantatalan ra inan nano ondo' nampakalayau ra ulun ru tana' ti ra pansasawaan nano. Nakapangukum Io noyo riso sabap ra namatoi io ra ulipon ri Aki Kapuuno'.”