MAZMUR 7:6 - Tanou Moonsoi Timugon

⁶ polosoo' ayuk pantula' kuno mangilou am mamparakop raki', am potoyon am tatangon nilo aku ra tana'!

MAZMUR 7:6 ပူးပေါင်းရင်းမြစ်များ

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

MAZMUR 103:6

Saungon ru Tuhan ulun ra inimpayan am baalon Nano maya' ra katimpakan.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

MAZMUR 143:3

Pantula' kuno nangilou raki', am mampaala raki'. Pasubolon no aku ra pangaputan ondo' molondom, am aku ti koson ra ulun ondo' nabuoi noyo minatoi.

MAZMUR 3:7

Kalo malaa' aku ra riribu pantula' ondo' liminiput manguyung raki' ra moonong angayan.

MAZMUR 35:1

Mazmur ri Daut. Tuhan, anggalo' noyo ulun ondo' tumula' raki', am anggalo' noyo ulun ondo' mangayou raki'.

MAZMUR 35:23

Sukal no, iou Tuhan, saungo' aku no; luat no, iou Aki Kapuuno' kuno, am indangano' aku no.

MAZMUR 44:23

Sabap no Okou, moonong orou akai ilalaanon, pamakuan nilo ramon koson ra domba ra simbaluyon.

MAZMUR 44:26

Naratu' akai natutuk ra tana', am nakalangan ra kaau sabap ra naala.

MAZMUR 59:5

sabap no ra sala' ka makasala aku, iou Tuhan, maringkaagou ilo tumampos mongoi pangayou.

MAZMUR 73:20

Koson ayuk ra inupi lumiot bulintok tumawang, bulintok ra Okou sumukal, iou Tuhan, ilo pana lumiot.

MAZMUR 74:3

Ratong no ra intok ondo' napuso ti; nansalinut suang ru Baloi Muno pinuso ru pantula' mai.

MAZMUR 78:65

Pupus no sumukal Tuhan koson sumukal intor ra nombolong; maayo guang koson ra sangulun maikang ondo' nakainum ra wain.

JISAYA 3:13

Nakatampos noyo Tuhan mapasingkual ra baal raginio; nakatampos Io noyo mangakim ra ulun Nano.

JISAYA 33:10

Tuhan mindagu ra bansa'-bansa' no, “Ragino mimbuor Aku. Patalangon Ku kinaayo ru kuasa' Kuno.

JISAYA 37:20

Ginio ra, bayago' akai intor ra ulun ru Asyur, iou Tuhan i Aki Kapuuno' mai, maa' raginio ngaangai' bansa' ru tana' ti makapandai ra Okou noyo rondo'-rondo' ayuk Tuhan.”

JISAYA 51:9

Luat noyo Tuhan, indangano' akai, bayago' akaino ra kuasa' Muno. Luat noyo koson ra galing i bulintok ra Okou nanutuk ra Ragab, am nonobok ra tambuakal ru raat no saboi minatoi.