MAZMUR 7:17 - Tanou Moonsoi Timugon

¹⁷ Ginio ra ilo naukum ru kalaatan nilo galama', am najamaran ru laat nilo galama'.

MAZMUR 7:17 ပူးပေါင်းရင်းမြစ်များ

2 SAMUIL 3:29

Polosoon noyo i Joab am sasambaloi nano ukumin sabap ra binaal nano. Polosoon noyo ralalom ru sasambaloi ri Joab ra papag ka papag masalok mokoondo' ulun ondo' marualan ra maruol mologo, kapoam maimbolo' ra maruol ru kungkung ondo' makalalaa', kapoam ungkuyon ondo' kalo maikang, kapoam ondo' matoi ralalom ru pangayawan kapoam matutusan ra akanon!”

1 RAJA'-RAJA' 2:32

Mangukum Tuhan ri Joab sabap ra namatayan ondo' binaal nano ra kalo nakapandai Raja' Daut, ama' kuno. Namatoi i Joab ra ruo ngaulun ondo' kolondo' sala, ruo ngaulun moonsoi poyo intor riso: I Abnir panglima saujor ru Israil am i Amasa panglima saujor ru Jiuda.

ESTER 9:25

Kaa' minuma' i Ester ra raja', am nangingkual raja' ra susuban tinulisan, saboi inantungan i Gaman ra kinibit ru inatang malaat nano ra ulun ru Jaudi. Io am anak-anak ungkuyon nano tinair ra lugu' pampatairan.

MAZMUR 111:3

Nansalinut binaal ru Tuhan no matulai am noompor; mantilayun kinoonsoi Nano.

MAZMUR 140:10

Pai' polosoo' pantula' kuno mamanang, kaa' polosoon noyo ragu malaat nilono lumumpa' risilo galama'.

MAZMUR 145:7

Potonowon nilo nansalinut kinoonsoi Muno, am marimbai koson maansukan ra katimpakan.

MAZMUR 35:28

Aku pana mampatanou ra katimpakan Muno, am monsongorou aku mongompor Rirun.

MAZMUR 51:14

Bansuko' aku poyo sabap ra pamayagan Muli, am anii' aku ra guang koson gumagaya' Rirun.

MAZMUR 9:2

Ralalom ngaangai' suang ru guang kuno, ra aku mongompor Rirun Tuhan, am tunungon ku nansalinut kaimuagan ondo' binaal Muno.

MAZMUR 92:1

Mazmur. Rimbai bulintok orou Sabat.

MAZMUR 92:8

ulun malaat gumatak tuu' nano malabung koson ra sakot, am ulun mambaal ra kalaatan magu' sumauk langkaya'; kaa' pusoon ilo lingono',

MAZMUR 98:2

Pabalaan ru Tuhan namanangan Nano; paraguon No katimpakan Nano ra ngaangai' bansa'.

DANIL 4:17

Ginio noyo kapatasan ru malaikat-malaikat ondo' mapintar am pagilalain. Ginio ra, ulun ra ati ayuk makapandai ra i Aki Kapuuno' Ondo' Masawat Kaga' mokoondo' ra kuasa' ra pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano, am poyo ra ulun ondo' totopot kalo maatang.’

DANIL 4:25

Pagiruon kou intor ra ulun manampagun, am mayan simpung ra bibiag masigo. Buoi tulu' ngambilor okou mangakan ra sakot koson ra sapi', mombolong giu' ra tana' malimparang saboi basaan ru bolobou. Makapandai kou boo ra i Aki Kapuuno' Ondo' Masawat Kaga' mokoondo' ra kuasa' ra ngaangai' pamarintaan ru ulun, am Io makakuasa' mangani' ra pamarintaan no ra osoi ayuk kasagaan Nano.

DANIL 4:34

Indagu raja', “Pakasail tulu' ngambilor no magilong aku ra limbowon. Pulali' ru pangkaraan kuno nakaliman saguli'. Nongompor aku ri Aki Kapuuno' Ondo' Masawat Kaga' liliwa' mangurumat am mampatulai Riso ondo' naayag ra sabuoi-buoi no. “Mamarinta i Aki Kapuuno' ra sabuoi-buoi no, pamarintaan Nano kolondo' pupus.

RINALATAN 7:48

“Kaa' i Aki Kapuuno' Ondo' Masawat Kaga' kalo mayan ralalom baloi ondo' baalon ru ulun, sabap ra kon noyo ru Kitab ru Nabi,

TINGGANAI RU BANSA' 9:24

Nasauk baal raginio maa' raginio mabalasan kalaatan ri Abimilik am mamagun ru Sikgim ondo' nanusuk riso namatoi ra tulu' ngoopor ngaulun anak ungkuyon ri Gidion.

TINGGANAI RU BANSA' 9:57

Nangkinibit i Aki Kapuuno' niayuk ra mamagun ru Sikgim naimbolo' sabap ra kalaatan nilo, koson ra rinagu ri Jotam anak ri Gidion paat io nagulas risilo.