MAZMUR 7:10 - Tanou Moonsoi Timugon

¹⁰ Polonggoo' noyo kalaatan ru ulun maanggal-anggal, am anii' noyo ulun moonsoi ra timbalos moonsoi, sabap ra Okou no i Aki Kapuuno' ondo' matimpok, malimanan Mu suang ru guang am pangkaraan ru ulun.

MAZMUR 7:10 ပူးပေါင်းရင်းမြစ်များ

KASAUKAN 15:1

Kopongo raginio, nakakito i Abram ra minintalang am nakaining ra ragu ru Tuhan, “Pai' kalaa' Abram, mangampin Aku rirun intor ra makalalaa' am mangani' rirun ra taak maayo.”

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 6:30

rongogo' noyo pakiasian nilo. Rongogo' ilo intor ra intok ayanan Muno giu' ra suruga' am ampuno' ilo. Okou ayuk ondo' makapandai ra suang ru guang ru ulun. Ginio ra pamakuan ra moonong ulun mogondo' ra binaal nano,

AYUP 8:6

Amon ru totopot mabanis guang muno, matong i Aki Kapuuno' am mangindangan rirun am niayuk tapulion sasambaloi muno koson ra pambalos rirun.

MAZMUR 112:2

Ngaangai' anak nano manguasa' ra pagun ti; papag ru ulun moonsoi maaru' barakaton.

MAZMUR 125:4

Iou Tuhan, koonsoi no ra ulun moonsoi, ra ulun ondo' sumugut ra panusuban Muno.

MAZMUR 3:3

Mangalimut ilo am mindagu, “Kalo mangindangan i Aki Kapuuno' riso!”

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 89:18

Inanian Mu akai ra kamanangan maayo; sabap ra kinoonsoi Muno, pinasauk Mu atan ondo' gogoton mai.

AMSAL 11:20

Masisang Tuhan ra ulun malaat guang, kaa' tagamin No ulun ra kolondo' ruruko.

AMSAL 2:21

Ulun ondo' sumugut ra kasagaan ri Aki Kapuuno', ioginio ulun ondo' mabanis guang maayag geu'ra ondo' binantu' ri Aki Kapuuno'.

AMSAL 28:18

Ulun mabanis guang bayagon, kaa' ulun ra namparuung iono pusoon ra sangkuliop ayuk.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”