MAZMUR 69:8 - Tanou Moonsoi Timugon

⁸ Sabap ra Okou noyo, nangkinibit raki' inasaban, am nauyu' aku toojo.

MAZMUR 69:8 ပူးပေါင်းရင်းမြစ်များ

MAZMUR 31:11

Guang mangiluk napariwa' ra bayag kuno, am pantangian ru guang napariwa' ra painawo kuno. Kapaganan kuno nangkinibit ra inan kuno kalo maligag, am niayuk bungul kuno mongopopol.

MAZMUR 38:11

Pusu' kuno mimbuor, am kolondo' lulu' kuno, am mato kuno majapul.

MAZMUR 89:51

Karaa' noyo Tuhan, ati kulaan ra ulipon Muno tauyuon; ati kulaan ra aku mansaan ra ulas ru bansa'-bansa'.

MAZMUR 89:52

Pantula'-pantula' Muno manauyu' ra raja' pinili' Muno, iou Tuhan! Ati ayuk ongoyon ru raja' no, asabin nilo io.

JISAYA 50:6

Patungayon ku tumbung kuno ra ulun ondo' mampalamba' raki'; am pingas kuno ra ulun ondo' mamubul ra jangut kuno. Kalo patalikuron ku bulos kuno bulintok ra aku asabin am tiwagin.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

JISAYA 53:4

Sotopot no maruol takano ibain nano, kapaganan takano mangkinibit ra io maimbolo', indoson takau kaimbalaan nano ukuman ri Aki Kapuuno' riso.

JIRIMIA 15:15

Indagu aku boo raiti, “Iou Tuhan, makarati' Kou ra ngaangai' no. Karaa' aku am indangano' aku. Balasi' ilo ondo' nangimbolo' raki'. Pai' noyo pokoorot risilo saboi makasugut ilo mamatoi raki'. Karaa' noyo ra aku inasaban sabap Okou.

MATIUS 26:56

Kaa' ngaangai' baal ragitio maaru' masauk koson mampainono' ondo' tinulisan ru nabi-nabi ra Buuk Kitab.” Ngaangai' maamaya' Nano pana nagiru' boo nangiruan ri Jisus.

JUANIS 1:11

Minatong Io ra intok Nano galama', kaa' bansa' Nano galama' kalo nangapu Riso.

JUANIS 7:5

Pabukat Nano galama' pana kalo nangintopot Riso.)

1 SAMUIL 17:28

I Iliab, maayo kasaa' ri Daut, nokorongog ra pansunuran ri Daut am saujor-saujor no. Siminangit io ri Daut, am indagu, “Kua ongoi kou ragiti? Osoi ondo' sinusub muno magalung ra domba-domba muno giu' ra tana' kaagisan no? Nakapandai aku, okou ti lalaing malaat, ikakanuo' ra baani; minatong kou ragiti koson milong ayuk ra pangayawan ti, kalo kia?”