Minindagu noyo i Aki Kapuuno' ru Israil; indagu manindung ru Israil no raki', “Raja' ondo' mamarinta ra matimpok, ondo' mamarinta ra pampagagayaan ri Aki Kapuuno',
Polosoon noyo ulun ondo' maansayan magilong ra aku naimbolo' masauk ilo ra maubong am mauyu'. Polosoon noyo ulun lumimbau no pansagulian guang am mauyu'.
Luat no ralalom ru sangitan Muno, iou Tuhan, am anggalo' noyo pangayawan ru ngaangai' pantula' kuno! Luat no am indangano' aku no, sabap ra katimpakan noyo kitaakon Muno.
Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”
Nangaru' i Aki Kapuuno' ra kinamatuaan takali masauk ra bansa' kauligan toojo, paat ra ilo pinaayan giu' ra Misir koson ra ulun bansa' ru bokon. Ra kuasa' maayo Nano, nampalabus i Aki Kapuuno' risilo intor ra Misir i.
I Pitrus am i Juanis pinauma' risilo am kuati', “Ati kulaan akau nakapamabas ra ulun kalo makalulu' no? Atan kia ra kuasa' kapoam osoi kia ra kuasa' naalap min mambaal raginio?”