MAZMUR 69:36 - Tanou Moonsoi Timugon

³⁶ Ampinin No Jirusalim, am baalon No saguli' bandar-bandar ru Jiuda; ulun Nano mayan ra giu' no; pagun raginio masauk ra longgom nilo.

MAZMUR 69:36 ပူးပေါင်းရင်းမြစ်များ

MAZMUR 102:28

Kaa' Okou ginio ayuk, kaayagan Muno kolondo' pupus.

MAZMUR 37:29

Ulun ra motopot manungkus ra pagun ti, am mayan ragiti ra sabuoi-buoi no.

MAZMUR 91:14

Ragu ri Aki Kapuuno', “Bayagon Ku ulun ra monogom Raki' no, alungin Ku ulun ra mangiou Raki' no koson ra Tuhan.

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

JISAYA 61:9

Papag nilono mauligan kaga' ra ati ayuk intok, anggagakon ra ginio ngai' ru bansa'; moonong ulun ra makakito makapandai ilo ra ilo noyo bansa' ondo' binarakat Kuno.”

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

PINAINTALANG 21:27

Kolondo' atan-atan malaat iowon sumubol ra bandar no, kapoam osoi ayuk pana mambaal ra makauyuyu' kapoam magagabau. Ondo' ayuk iowon sumubol no ioginio ilo ondo' inggalan nilai tinulisan noyo ralalom ra kitab ru Ulun Mokoowot ra Kaayagan Motopot ru Anak Domba no.